سەعید كاكەیی: تۆمەتباركردنی سەرۆككۆمار لەلایەن پارتییەوە، بۆ پەردەپۆشکردنی تەزویرەکانیەتی لە هەولێر

0
592

SNN-عەلی حەمە سەعید

لەبەرامبەر ئەو ڕاگەیاندراوە كە مەكتەبی سیاسی پارتی بڵاویكردووەتەوە و تیایدا سەرۆككۆماری عێراقی تۆمەبار كردووە كە دەستیان هەبووەلە گۆڕینی ئەنجامەكان، ئەندامێكی پێشووی ئەنجومەنی كۆمیسیارانی سەر بە كۆمیسیۆنی باڵای سەربەخۆی هەڵبژاردنەكانی عێراق جەخت لەوەدەكاتەوە كە ئەو بانگەشانەی پارتی بۆ پەردەپۆشكردنی ئەو تەزویرە زۆرەیە كە لەهەولێر كراوە و پارتی پێشخان و پاشخانێكی زۆری لەساختەكاریدا هەیە.

سەعید كاكەیی، ئەندامی پێشووی ئەنجومەنی كۆمیسیارانی سەر بەكۆمیسیۆنی باڵای سەربەخۆی هەلبژاردنەكانی عێراق بە SNNی ڕاگەیاند: هەموومان دەزانین كە پارتی دیموكراتی كوردستان پێشخانێك و ژێرخانێكی دوورودرێژی هەیە لە ساختەكاری هەڵبژاردنەكاندا، بەجۆرێك ئەگەر بڕوانینە ئەو دەنگدەرانەی كە پەنجە مۆرەكانیان دووبارە بووەتەوە لەهەموو عێراقدا كۆی گشتیان دەگاتە سێ‌ هەزار و 781 دەنگەدەر، بەڵام لەو ژمارەیە بەتەنها لە پارێزگای هەولێر زیاد لە دوو هەزار و 400 دەنگی دووبارە هەبووە.

ئاماژەی بەوەشكرد، بوونی ئەو ڕێژەزۆرە لە پەنجەمۆری دووبارە لە هەولێر سەلمێنەری ئەوەیە كە پارتی لە ئەنجامدانی ساختەكاری تێوەگلاوە، ئێستاش كە ساختەكارییەكانی ئاشكرا بووە دەستیكردووە بە بیانووگرتن و دەركردنی بەیاننامە و تۆمەتباركردنی سەرۆك كۆمارو دەستەی دادوەری كۆمیسیۆن، بۆیە دەبێت پارتی دان بوەدابنێن كە ساختەكاری كارێكی ئابڕووبەرانەیە.

ئەو ئەندامەی پێشووی ئەنجومەنی كۆمیسیارانی سەر بەكۆمیسیۆنی باڵای سەربەخۆی هەڵبژاردنەكانی عێراق ئەوەشی خستەڕوو، لە ئێستا ئەو ئابڕووچوونەی كە بەسەر پارتیدا هاتووە و دوو كورسییان لێوەرگیراوەتەوە، هەوڵی ئەوەدەدەن كە دەستی چەوری خۆیان بەسەر سەرۆككۆماردا بسڕن، بەڵام بە دڵناییەوە هەوڵەكانی پارتی سەركەوتوو نابێت، چونكە ئەگەر پارتی لە كوردستان لەسەرو یاساوە بێت ئەوا لە عێراق یاسا لەسەروو پارتیەوەیە.

بەشی بکە لە
Previous Next
Close
Test Caption
Test Description goes like this