پاپا فرانسیس داوا لە ئەوروپا دەکات کۆچبەران بگرێتەخۆی

0
213

SNN

پاپا فرانسیس ئەمڕۆ سەردانی کەمپی پەنابەرانی مۆریا-ی کرد لە دوورگەی لێسبۆس-ی سەر بە یۆنان، لەوێوە داوای لە وڵاتانی ئەوروپا کرد کۆچبەران بگرنە خۆیان.

پاپا فرانسیس کۆچبەرەکانی ئەو کەمپەی بەسەرکردەوە و نیگەرانی نیشاندا لە “پشتگوێخستنی کۆچبەران”، هاوکات پێی راگەیاندن: “من لێرەم تا بڕوانمە چاوەکانتان کە پڕە لە ترس و ئومێد، ئەو چاوانەی کە توندوتیژی و برسێتی بینیووە و ماوەیەکی زۆر پڕگریانبووە”.

لە درێژەی قسەکانیدا پاپا فرانسیس رەخنەی لەو وڵاتانە گرت کە پرسی کۆچبەران بە سیاسی دەکەن و وەکو کارتی فشار بەکاری دەهێنن، وتیشی: “دەبێت دژی ئەو هۆکارانە بوەستینەوە کە دەبنە هۆی کۆچی کۆچبەران، نەک ئەوەی دژی کۆچبەران بین کە خۆیان بوونەتە قوربانی و لە پروپاگەندەی سیاسیدا بەکاردەهێندرێن”.

پاپا فرانسیس رەخنەی لە وڵاتانی ئەوروپاش گرت و رایگەیاند: “ئەوروپا پرسی کۆچبەران بە چارەسەرنەکراوی دەهێڵێتەوە و دووچاری نەتەوەپەرستی و بەرژەوەندخوازی دەبێت لەبری ئەوەی هاوسۆزی بەرامبەر کۆچبەران هەبێت، هەندێکجار ئەوروپا لاواز و ناهاوکار دەردەکەوێت”.

ئەمە پێنجەمین سەردانی پاپا فرانسیسە بۆ لای کۆچبەرانی قوبرس و یۆنان.

بەشی بکە لە
Previous Next
Close
Test Caption
Test Description goes like this