محەمەد حاجی مەحمود: دەبێت ناوچە دابڕێندراوەکان بخەینەوە ژێر دەستی پێشمەرگە

0
240

SNN

محەمەد حاجی مەحمود، سکرتێری حزبی سۆسیالست دیموکراتی کوردستان رایگەیاندووە: “پێویستە چیتر چاوەڕێی عێراق نەکەین و ناوچە دابڕاوەکان بخەینەوە ژێر دەستی هێزی پێشمەرگە”.

‎محەمەد حاجی مەحمود وێڕای سەرخۆشی لە کەسوکاری شەهیدەکانی چەند رۆژی رابردوو وتی: ” جێگای خۆیەتی کە پێویستە هەرچی زووترە وەزارەتی پێشمەرگە بە بەرنامەی کاری خۆیدا بچێتەوەو تەواوی هێزەکان پڕ چەک بکات و ئەوانەشی کەمتەرخەمی دەکەن  لێپرسینەوەیان لەگەڵدا بکات و چی تر چاوەڕێی عێراق نەکات و ناوچە دابڕاوەکان بخاتەوە ژێر دەستی هێزی پێشمەرگە”.

قسەکانی ناوبراو لەکاتێکدایە کە هێزی پێشمەرگە و فەرماندەیی ئۆپراسیۆنە هاوبەشەکانی عێراق رێککەوتوون لەسەر هەماهەنگی زیاتر لە ناوچە جێناکۆکان دژ بە چەکدارانی داعش.

چەکدارانی داعش هێرشەکانیان بۆ سەر هاووڵاتی مەدەنی و هێزی پێشمەرگە زیادکردووە و ژمارەیەک شەهید و برینداری لێکەوتووەتەوە.

بەشی بکە لە
Previous Next
Close
Test Caption
Test Description goes like this