یانەی بەرشەلۆنە رووبەڕووی کێشەیەکی ئابووری دەبێتەوە

0
84
بەرشەلۆنە

SNN Sport

یانەی بەرشەلۆنەی ئیسپانی رووبەڕووی کێشەیەکی ئابووری دەبێتەوەو یانەکە بە نیازە جارێکی تر مووچەی یاریزانەکانی کەمبکاتەوە.

 

لە نوێترین هەواڵدا لەسەر دۆخی ئابووری یانەکە کە رۆژنامەی مارکا بڵاویکردووەتەوە، یانەی بەرشەلۆنە  لە دۆخێکی دڵەڕاوکێدایە و کێشەی پێدانی مووچەی یاریزانەکانی هەیە، ئەمەش بەهۆی زۆری ئەو بڕە پارەیە کە بە یاریزانەکانی دەدات وەکو مووچەو پاداشت.

 

رۆژنامەکە ئاشکرای کردووە، یانەی بەرشەلۆنە لە ئەوروپا زۆرترین مووچە بە یاریزانانی دەدات کە ساڵانە 630 ملیۆن یۆرۆیە کە خۆی لە پاداشت و مووچە دەبینێتەوەو بودجەی ساڵانەی یانەکەش 1.047 ملیۆن یۆرۆیە.

 

هەروەها یانەکە لە ئێستادا بیر لەوە دەکاتەوە کۆبوونەوەیەکی تر لەگەڵ یاریزانەکان بکات و داوایان لێبکات رازی ببن بە کەمکردنەوەی مووچەکەیان.

 

پێشتر بەهۆی ڤایرۆسی کۆرۆناوە یانەی بەرشەلۆنە بە رێژەی لە %70 مووچەی یاریزانەکانی کەمکردەوە، بووە یەکەم یانە لە ئیسپانیا مووچە کەمبکاتەوە، ئەمەش بەهۆی کەمبوونەوەی داهاتی یانەکەو راوەستانی هەموو چالاکییە وەرزشییەکان لە ئیسپانیا.

 

 

بەشی بکە لە
Previous Next
Close
Test Caption
Test Description goes like this