سێ حاڵەتی کۆرۆنا لەنەخۆشخانەی شۆڕش لەسلێمانی دیاریکران

0
609
SNN- هەوراز ئەحمەد
 
بەڕێوەبەری گشتی نەخۆشخانەی شۆڕش رایدەگەیەنێت “سێ کارمەندی نەخۆشخانەکە تووشی ڤایرۆسی کۆرۆنا بوون و بەھۆیەوە پێشکەشکردنی خزمەتگوزاری تەندروستی بۆ ماوەی 48 سەعات رادەگیریت”.
 
د. چالاک قادر بە SNNی وت: “ئەو سێ کارمەندە دایکێک و دوو کوڕن کە کاریان خزمەتگوزاری پاککردنەوەیە لەنەخۆشخانەکە”.
 
وتیشی: “ئەو سێ تووشبووە پێشتر بەشداری پرسەیەکیان کردووە لەگەڕەکی هەواری شار لەشاری سلێمانی”.
 
بەوتەی د. چالاک پشکنینی کۆرۆنا بۆ بەشداربووانی دیکەی پرسەکە کراوە و دوای تووشبوونی ئەمان راستەوخۆ براونەتە کەرەنتینە و ئێستا لەنەخۆشخانەی سەرچنار تایبەت بەکۆرۆنا کەوتوون”.
 
وتیشی: “نیشانەکانی کۆرۆنایان تێدا دەرکەوتووە و بەهۆی ئەو تووشبووانەشەوە خزمەتگوزاریمان لە بەشەکانی نەشتەرگەری و فریاکەوتن راگرتووە بۆ ماوەی 48 کاتژمێر بەمەبەستی کاری پاککردنەوە و تەعقیم”.
 
کۆی گشتی تووشبووان بە ڤایرۆسی کۆرۆنای نوێ COVID-19 لە هەرێمی کوردستان (424) تووشبوو، لەنێویاندا (5) مردن هەیە و (383) نەخۆش چاکبووەتەوە، وە ئێستا تەنها (36) نەخۆش لەژێر چاودێری پزیشکی دان.
بەشی بکە لە
Previous Next
Close
Test Caption
Test Description goes like this