ئاستی ئاوی بەنداوی دەربەندیخان 25 سانتیمەتر زیادیكردووە

0
326

SNN-عەلی حەمەسەعید

بەڕێوەبەری بەنداوی دەربەندیخان ئاماژەبەوەدەكات بەهۆی بارانبارینی چەند رۆژی رابردوو ئاستی ئاوی بەنداوی دەربەندیخان 25 سانتیمەتر زیادیكردووە، بەڵام هێشتا لە ئاستی پێویستدا نییە و بۆ زیادبوونی ئاستی ئاوی بەنداوەكە پێویستمان بەبارانبارینی بەخوڕو لافاو هەیە، هاوكات گرتنەوەی سەرچاوەئاوییەكان لەلایەن ئێرانەوە یەكێك لە مەترسییەكانی كەمبوونەوەی ئاو لە بەنداوەكەدا.

رەحمان خانی، بەڕێوەبەری بەنداوی دەربەندیخان بەSNNی ڕاگەیاند: لەگەڵ ئەوەی لە چەندڕۆژی ڕابردوودا بەهۆی ئەو شەپۆلەبارانبارینەی ڕووی لە هەرێمی كوردستان و ناوچەكرد، بەڵام هیشتا ئاستی ئاوی بەنداوی دەربەندیخان وەك پێویست بەرزنەبووەتەوە كە جێگای دڵخۆشی ئێمە بێت بەجۆرێك بەهۆی بارانبارینی چەند ڕۆژی ڕابردوو ئاستی ئاوی بەنداوەكە 25 سانتیمەتر زیادیكردووە.

ئاماژەی بەوەشكرد، بەهۆی ئەوەی ساڵی رابردوو تاڕادەیەك وشكەساڵی ڕوویدا و بڕی بارانی پێویست نەباری بووە هۆی ئەوەی ئاستی ئاوی بەنداوی دەربەندیخان زۆر دابەزێت بۆ پڕكردنەوەی ئەو بۆشاییەش پێویستیمان بە بارانبارینی بەخوڕ و لافاو هەیە بۆ ئەوەی بتوانین ئاستی ئاوی بەنداوەكە بگەڕێنینەوە ئاستی ساڵانی پێشووتر.

بەڕێوەبەری بەنداوی دەربەندیخان ئەوەشی خستەڕوو، بەداخەوە لەمساڵدا لەلایەن وڵاتی ئێرانەوە سەرچاوەئاوییەكان كە دەڕژێنە ناوبەنداوی دەربەندیخان گیراونەتەوە ئەمە كاریگەری زۆر خراپی هەبوو لە زیاتر دابەزاندنی ئاستی ئاوی بەنداوەكە، بۆیە ئەگەر ئێران بەردەوامبێت لە گرتنەوەی سەرچاوە ئاوییەكانی سەر رووباری سیروان ئەوا ناتوانین ئاستی ئاوی بەنداوەكە بەرزبكەینەوە و مەترسی كەمئاوی رودەدات.

بەشی بکە لە
Previous Next
Close
Test Caption
Test Description goes like this