وتەبێژی سەدر”دەبێت لایەنە کوردییەکان لەسەر بەشداریکردن لە حکومەتی عێراق رێکبکەون”

0
174

SNN

وتەبێژی فەرمی موقتەدا سەدر رایگەیاندووە: دەبێت لایەنە کوردییەکان لەسەر چۆنیەتی بەشداریکردن لە حکومەتی نوێی عێراق رێکبکەون، هاوکات جەخت لە پێکهێنانی حکومەتێکی زۆرینەی نیشتمانی دەکاتەوە.

سەڵاح عوبەیدی، وتەبێژی فەرمیی موقتەدا سەدر بە (دەنگی ئەمەریکا)ی راگەیاند:  “دەبێت لایەنە کوردییەکان خۆیان ڕێکبکەون لەسەر چۆنیەتی و ڕێگەی بەشداریکردنیان لە حکومەت.”

وتیشی: “سەدر پێکهێنانی حکومەتی نیشتیمانی لەبەرژەوەندی گەلی عێراق دەبینێت، حکومەتێکی زۆرینەی نیشتیمانی کە هەمووان لەباشورەوە بۆ باکور کۆبکاتەوە، هەندێک لایەنیش هیوادارن ڕێگەی ئۆپۆزسیۆن بوونی سەرکەوتوو بگرنەبەر، بەڵام گەر هەمووان پێداگیربن لەسەر حکومەتی تەوافقی، ئەوە دووبارە کردنەوەی هەمان هەڵەی حکومەتەکانی پێشووە.”

لەبارەی ئەوەی بەشێک لە لایەنە شیعەکان داوای حکومەتی تەوافقی دەکەن، باسی لەوەکردووە، “لەماوەی ڕابردوودا کوتلەی سەدری ئۆپۆزسیۆن بوو، هیچ کورسییەکی وەزاریان نەبوو، کورسییەکانی بۆ حکومەتەکەی عەبادی جێهێشت، وەزارەتمان لەحکومەتەکەی عادل عەبدولمەهدیش نەبوو، ئۆپۆزسیۆن دەتوانێت کاری خۆی بکات، هیچ کێشەیەک نیە، لەهەموو دونیا وایە چەند لایەنێک دەبنە ئۆپۆزسیۆن و چاودێری حکومەت دەکەن و لێپرسینەوەی لەگەڵ دەکەن، لەپێناو دووبارە نەبوونەوەی هەڵەکان.”

هاوکات لەبارەی بۆچوونی سەدریەکان لەسەر چۆنیەتی دابەشکردنی پۆستەکان، سەڵاح عوبەیدی دەڵێت، “ئەو پرسە هێشتا گفتوگۆی لەسەر نەکراوە، بەڵام پۆستەکان لەسەر شێوازی پێشوو دابەش دەکرێنەوە، سەرۆک کۆمار بۆ کورد، پەرلەمان بۆ برایانی سونە و سەرۆک وەزیرانیش بۆ شیعە، گەر گۆڕانکاریش ڕوویدا، دەبێت بەڕێککەوتن بێت.”

بەشی بکە لە
Previous Next
Close
Test Caption
Test Description goes like this