سێ‌ هاووڵاتی لەشاخی شنروێ‌ ڕزگار كران

0
239

SNN-عەلی حەمە سەعید
لە ئەنجامی خراپی كەشوهەوا و زۆری بەفربارینەوە سێ‌ هاووڵاتی بەمەبەستی چاككردنی بورجی یەكێك لە كۆمپانیاكانی پەیوەندیكردنی چووبوونە شاخی شنروێ‌ نەیانتوانیوە بگەرێنەوە و ژیانیان كەوتووەتە مەترسییەوە بەڵام ئێوارەی ئەمڕۆ لەلایەن تیمی فرۆكەوانی سلێمانییەوە هەرسێ‌ هاووڵاتیەكە رزگار كران.

فەرحان حەمەخان، بەرپرسی ڕاگەیاندنی دیوانی پارێزگاری هەڵەبجە بە SNNی ڕاگەیاند: بەهۆی خراپی كەشوهەوا و هاوكات دروستبوونی بەستەڵەك لەسەر ڕێگاسەرەكییەكان و بارینی ڕێژەیەكی زۆر لە بەفر، سێ‌ هاووڵاتی سنوری پارێزگای هەڵەبجە لەكاتی ڕۆشتنیان بۆسەر شاخی شنروێ‌ گیردەخۆن و ناتوانن بگەڕێنەوە شوێنەكانی خۆیان بۆیە بەناچاری پەیوەندی بە تیمی فڕۆكەوانی سلێمانییەوە كرا بۆ ڕزگاركردنیان.

ئاماژەی بەوەشكرد: ئەو سێ‌ هاووڵاتیە بە مەبەستی كاركردن و چاككردنەوەی لە بورجی یەكێك لە كۆمپانیاكانی پەیوەندیكردن ڕۆشتبوونە سەر شاخی شنروێ‌، بەڵام دوای گەیشتنی تیمی فڕۆكەوانی سلێمانی تواندرا ئەو هاووڵاتیانە ڕزگار بكرێن.

ئەو بەرپرسەی پاریزگای هەڵەبجە ئەوەشی خستەڕوو: هاووڵاتتیەكان ناویان (ناسیح بارام) (غوڵام شەوكەت) هەردوكیان پاسەوانی بورجەكە بوون هاوكات ئەویدكەشیان ناوی ( عەلی ئەحمەد) وەستای بورجەكە بووە هەرسێ هاووڵاتیەكەش دانیشتووی پارێزگای هەڵەبجە بوون.

بەشی بکە لە
Previous Next
Close
Test Caption
Test Description goes like this