سائیرون: کازمیمان بۆ پڕکردنەوەی وەزارەتە بەتاڵەکان سەرپشک کردووە

0
260
مستەفا کازمی

SNN

ئەندامێکی  فراکسیۆنی سائیرون لە ئەنجومەنی نوێنەرانی عێراق رایگەیاند، سائیرون هیچ کاندیدێکی بۆ پڕکردنەوەی وەزارەتە بەتاڵەکان نابێت.

جەواد موسەوی لە چاوپێکەوتنێکیدا لەگەڵ کەناڵی فەرمی عێراق رایگەیاندووە: مستەفا کازمی-یان سەرپشککردووە لەوەی خۆی کەسانی لێهاتوو و سەربەخۆ بۆ وەزارەتە بەتاڵەکان کاندید بکات.

لە حەوتی ئەم مانگە، 15 وەزیر لە حکومەتەکەی مستەفا کازمی متمانەی ئەنجوومەنی نوێنەرانی عێراقیان بەدەستهێنا، بەڵام کاندیدی ژمارەیەک لە وەزارەتەکان نەیانتوانی متمانەی ئەندامانی ئەنجوومەنی نوێنەران بەدەستبهێنن و رەتکرانەوە، کە ئەوانیش کاندیدی وەزارەتی کشتوکاڵ، وەزارەتی کۆچ و کۆچبەران، وەزارەتی داد، وەزارەتی بازرگانی، وەزارەتی رۆشنبیری بوون.

هاوکات وەزارەتەکانی نەوت و دەرەوە کاندیدیان نەبوو.

 

بەشی بکە لە
Previous Next
Close
Test Caption
Test Description goes like this