وەزیری ناوخۆ: پێویست بکات قەدەغەی هاتووچۆ درێژدەکرێتەوە

0
534

رێبەر ئەحمەد وەزیری ناوخۆی هەرێم رایگەیاند: ” قەدەغەی هاتوچۆ تەنیا بۆ سێ ڕۆژی جەژنە بەڵام ئەگەر پێویست بکات لەدوای جەژن درێژدەکرێتەوە”.
وەزیری ناوخۆی هەرێم، ئەمڕۆ 21ی ئایار لە کۆنفرانسێکی رۆژنامەنووسی هاوبەشیدا لەگەڵ وەزیری تەندروستی، ئاماژەی بەوەشکرد: درێژکردنەوەی قەدەغەی هاتوچۆ پەیوەستە بە پابەندبوونی هاووڵاتیان بە ڕێنماییەکان.
وتیشی: ئەگەر پێویست بکات، حکومەت بێ دوودڵی بڕیار لەپێناو سەلامەتیی ژیانی هاووڵاتیان دەدات

سەبارەت بە رەوشی تەندروستی هەرێمی کوردستان، رێبەر ئەحمەد رایگەیاندووە “کەمبوونەوەی ژمارەی تووشبووان بە کۆرۆنا بەهۆی رێکارەکانی حکومەتی هەرێمەوە بووە بەڵام هێشتا مەترسی کۆرۆنا ماوە”.

هاوکات وتیشی:” پێویستە هاووڵاتیان پابەندی رێنماییە تەندروستییەکان بن و لە رۆژانی جەژندا بە هیچ بیانوویەک قەدەغەی هاتووچۆ نەشکێنن، قەدەغەی هاتووچۆ بۆ پاراستنی خەڵکە”.

ئەمە لەکاتێکدایە لە چەند رۆژی رابردوودا ژمارەی تووشبووان بە کۆرۆنا لە هەرێم بەرزبووەتەوە.

 

 

بەشی بکە لە
Previous Next
Close
Test Caption
Test Description goes like this