ئێران: سزاکانی ئەمریکا بێ بەرهەم بوون

0
262

SNN

وەزارەتی دەرەوەی ئێران رایگەیاند: “سزاکانی ئەمریکا بەسەر ئێراندا بێبەرهەم بوون و کاریگەرییان نەبووە”.

عەباس موسەوی وتەبێژی وەزارەتی دەرەوەی ئێران لە لێدوانێکی تەلەفزیۆنیدا رایگەیاندووە: “سەپاندنی سزای دیکە بەسەر ئێراندا ئاماژەیە بۆ ئەوەی سزاکانی پێشتری ئەمریکا کاریگەرییان نەبووە، سزاکان لاوازی و بێسەروبەری ئەمریکا دەردەخات”.

ئەمەش دوای ئەوەدێت دوێنێ ئەمریکا سزای بەسەر 12 کەسایەتی و بەرپرسی ئێراندا سەپاند کە رەحمانی فەزلی وەزیری ناوخۆی ئێرانی تێدایە کە بە کوشتنی خەڵک لە دوایین خۆپیشاندانەکانی ئێران تۆمەتباردەکات.

یەکێکی دیکە لەو کەسایەتییانەی کە سزاکان گرتوویەتیەوە، عەلی فەلاحیانە کە پێشتر وەزیری ئیتڵاعاتی ئێران بووە و چەندین تۆمەتی ئاراستە دەکرێت، لە نێویشیاندا تیرۆرکردنی عەبدولرەحمان قاسملۆ سکرتێری گشتی حزبی دیموکراتی کوردستانی ئێران، وەزارەتی گەنجینەی ئەمریکاش بە تۆمەتی رێگەدان بە بەکارهێنانی چەک دژ بە خۆپیشاندانی مانگی ئەیلولی ساڵی رابردووی ئێران تۆمەتباری دەکات.

 

بەشی بکە لە
Previous Next
Close
Test Caption
Test Description goes like this