تەندروستی جیهانی هۆکاری هەڵکشانی حاڵەتەکانی کۆرۆنا لە هەرێم ئاشکرادەکات

0
1272

SNN-هەوراز ئەحمەد

بەرپرسێکى ڕێکخراوى تەندروستى جێهانى رایدەگەنێت: “ئەنجام نەدانى پشکنینى پێویست و دروست بوونى قەرەباڵغى و جێبەجێ نەکردنى رێنمایە تەندروستییەکان هۆکارى سەرەکى سەرهەڵدانەوەى ڤایرۆسى کۆرۆنان لە هەرێمی کوردستان”.

د.نەجمەدین حەسەن، بەرپرسى نوسینگەى سلێمانى رێکخراوى تەندروستى جیهانى WHOبە SNNی راگەیاند: “هەڵکشانى حاڵەتەکانى ڤایرۆسى کۆرۆنا لە هەرێمى کوردستان دەگەڕێتەوە بۆ بێ متمانەیى هاوڵاتیان بەرامبەر بە نەخۆشیەکە، ئێمە ڕایدەگەنین کە کۆرۆنا بوونی هەیە، نەخۆشیەکى مەترسیدارە بۆیە پێویستە هاوڵاتیان خۆیان بپارێزن”.

وتیشى: “لە سلێمانی لە 30 ى نیسانەوە تاوەکو 12ى ئایار هیچ حاڵەتێک تۆمار نەکراوە هەموو ڕۆژێک سفر حاڵەت بووە لە 13ى ئایارەوە دەستى پێکرد تاوەکو ئەمڕۆ35 حاڵەت تۆمار کراوە کە 7 یان خۆیان ڕۆشتوون بۆ پشکنین هەموو ئەوانە بەرکەوتەى ئەو 7 حاڵەتەى پێشوون، ئەگەرچى رێژەى توشبوون لە کۆنترۆڵ دەرنەچووە بەڵام پێویستە پابەندنى رێنمایەکان بن ئەگەرنا ئەوا پێشبینیمان بۆ رۆژانى ئایندە زۆر باش نابێت”.

هاوکات ئاماژەى بەوەش کرد: “لە هەموو جیهاندا ژیان بەرەو ئاسایى بوونەوە دەڕوات لە کوردستانیش بە هەمان شێوە بۆیە لە چوار چێوەى ئاساى بوونەوەى ژیان پێویستە رێکارە تەندروستیەکان جێبەجێ بکرێت”.

بەشی بکە لە
Previous Next
Close
Test Caption
Test Description goes like this