نوێترین زانیاری لەبارەی ئه‌و شه‌پۆلى بارانبارینه‌ى روو له هه‌رێم ده‌كات
بارانبارینى به‌خوڕ له سلێمانى | فۆتۆ: SNN
SNN-عەلی حەمە سەعید
بەڕێوەبەری به‌ڕێوه‌به‌رایه‌تى گشتى كەشناسی سلێمانی رایده‌گه‌یه‌نێت، لە سبەی یەكشەممەوە شه‌پۆلى بارانبارین ده‌ستپێده‌كات، ده‌شڵێت: “لە رۆژی سێشەممەی ئەم هەفتەیەوە بارانبارین دەستپێدەكاته‌وه و تاوه‌كو كۆتایی هەفتە كاریگەری ئەو شەپۆلە دەمێنێتەوە”.
ئاسۆ كەمال، بەڕێوەبەری به‌ڕێوه‌به‌رایه‌تى كەشناسی و بومەلەرزەزانی سلێمانی بە SNNی راگەیاند: “وەك پێشتر پێشبینی كرابوو لە سبەی یەكشەممەوە كاریگەری شەپۆلێكی بارانبارین ئاسمانی هەرێمی كوردستان و پارێزگای سلێمانی ده‌گرێتەوە، كە پێشبینی دەكرێت بڕێكی باش باران لە ناوچەكەماندا ببارێت”.
وتیشى: “بەگوێرەی پێشبینیەكان ئەو شەپۆلەی روو لە ناوچەكە دەكات لە رۆژی سێشەممەی ئەم هەفتەیەوە دەستپێدەكات و ماوەی چەند رۆژێك دەخایەنێت و تاكۆتایی هەفتە كاریگەرییه‌كه‌ى دەمێنێتەوە، ناوبەناو بارانبارین بەردەوام دەبێت”.
وتەكانی بەڕێوەبەرى كەشناسی و بومەلەرزانی سلێمانی لەكاتێكدایە كە ئەمساڵ هێشتا مەترسی وشكەساڵی تێنەپەڕیووە و لەناوچەی گەرمیان وشكەساڵی راگەیەندراوە و هاوكات بەڕێوەبەری بەنداوەكانی دوكان و دەربەندیخانیش جەخت لەوەدەكەنەوە كە بۆ ئەمساڵیش مەترسی وشكە ساڵی لە ئارادایە و بڕی پێویست ئاو لە بەنداوەكاندا گلنەدراوەتەوە.
