پۆلیسى سلێمانى زانیارى نوێ له‌باره‌ى رووداوى ته‌قه‌كردنه‌كه‌ى سلێمانى ئاشكرا ده‌كات

0
667

SNN – محه‌مه‌د سه‌لامى
به‌ڕێوه‌به‌رى پۆلیسى سلێمانى رایده‌گه‌یه‌نێت، له‌سه‌ر ته‌قه‌كردنه‌كه‌ ده‌ستمان به‌سه‌ر ژماره‌یه‌ك چه‌كدا گرتووه‌ و 4 تۆمه‌تباریش ده‌ستگیر كراون.

ئێواره‌ى ئه‌مڕۆ له‌سه‌ر شه‌قامى 60 مه‌ترى له‌ شارى سلێمانى رووداوێكى ته‌قه‌كردن روویدا و به‌هۆى رووداوه‌كه‌وه‌ كه‌سێك گیانى له‌ده‌ستدا و سیانى تریش برینداربوون

عه‌میدى مافپه‌روه‌ر ئاسۆ شێخ ته‌ها، به‌ڕێوه‌به‌رى پۆلیسى سلێمانى له‌وباره‌یه‌وه‌ به‌ SNNى راگه‌یاند: “له‌سه‌ر رووداوه‌كه‌ ده‌ستبه‌سه‌ر چوار ئۆتۆمبێل و ژماره‌ك چه‌كدا گیراوه‌. هاوكات چوار تۆمه‌تبار ده‌ستگیر كراون و سێ برینداریش له‌ ئێستا له‌ نه‌خۆشخانه‌ له‌ژێر چاودێرى پزیشكیدان”.

وتیشى: “ته‌رمى قوربانیه‌كه‌ كه‌ ته‌مه‌نى 33 ساڵه‌ له‌ ئێستادا له‌ پزیشكى دادى سلێمانیه‌ و لێكۆڵینه‌وه‌ له‌ رووداوه‌كه‌ ده‌ستيپێكردووه‌”.

هاوكات په‌یامنێرى SNN له‌ سلێمانى رایگه‌یاند، “كێشه‌كه‌ له‌سه‌ر زه‌وى و زار بووه‌ و له‌نێوان دوو خێزاندا روویداوه‌ كه‌ خه‌ڵكى شارباژێڕن و ئه‌و رووداوه‌ى لێكه‌وتووه‌ته‌وه‌”.

په‌یامنێرى SNN ئه‌وه‌شى خسته‌ڕوو، “تۆمه‌تباره‌كان له‌ ئێستادا له‌ بنكه‌ى پۆلیسى ئازادى ده‌ستبه‌سه‌رن”.

 

بەشی بکە لە
Previous Next
Close
Test Caption
Test Description goes like this