بەهۆی وشكەساڵییەوە گەرمیان زیانی 32ملیار دیناری بەردەكەوێت و حكومەتیش تەنها لەخەمی هەولێردایە

0
104

SNN-عەلی حەمە سەعید

بەهۆی كەمی ئەو ڕێژە بارانەی كە ئەمساڵ لە سنووری ئیدارەی گەرمیان باری، بەگوێرەی داتاكانی بەڕێوەبەرایەتی كشتوكاڵی گەرمیان زیانی زیاد لە 32 ملیار دینار بەكەرتی كشتوكاڵی سنوورەكە كەوتووە و بەرهەمهێنانی دانەوێڵە بە ڕێژەی زیاد لە %60 كەمیكردووە، بەڵام حكومەت هیچ بڕە پارەیەكی بۆ قەربووكردنەوەی وشكەساڵی دابیننەكردووە، لەبەرامبەردا 21 ملیاردینار بۆ پرۆژەی كەمئاوی هەولێر دابینەدەكرێت.

بەگوێرەی ئەو ئامارانەی كە لەبەڕێوەبەرایەتی كشتوكاڵی گەرمیان بە SNNدراون ئەوەخراوەتەڕوو، بەهۆی ئەو ڕێژەكەمەی باران بارین كە لە سنوورەكە تۆماركراوە، بۆ ساڵی دووەم لەسەریەك وشكەساڵی لە گەرمیان ڕوویداوە و زیانەكانی ئەمساڵ لە كەرتی كشتوكاڵ و ژینگەی ناوچەكە بە دوو هێندەی زیانەكانی ساڵی پار دەخەمڵێنرێت.

ئاماژە بەوەكراوە، ئەمساڵ بەرزترین ڕێژەی بارانبارین لە سنووری گەرمیان بە 110 میلیمەتر تۆماركراوە و نزمترینیشیان لە خانەقین بووە كە 89 میلیمەتری لێ باریوە، لەكاتێكدا ناوچەكە پێویستی بە بارینی 250 میلیمەتر بارانە هەیە.

هەر لە ئامارەكەی بەڕێوەبەرایەتی كشتوكاڵی گەرمیان ئەوەشخراوەتەڕوو، زیانەكانی ئەمساڵی كەرتی كشتوكاڵ بە 32 ملیار دینار دەخەمڵێندرێت، هەروەها 135هەزار دۆنم زەوی كشتوكاڵی زەرەر و زیانی پێگەشتووە و ئاستی بەرهەمهێنانی گەنم و جۆ بۆ %60 دابەزیوە، بەڵام تائێستا حكومەت ئامادەیی دەرنەبڕیوە هیچ بڕە پاریەك بۆ رووبەڕووبوونەوەی وشكەساڵی و قەرەبووی جوتیارانی سنووكە دابین بكات.

تۆماركردنی ئەو زیانانە بەهۆی وشكە ساڵییەوە لە گەرمیان لەكاتێكدایە كە بەرلەچەند ڕۆژێك سەرۆكی حكومەت بڕیاریدا بڕی 21 ملیار دینار بۆ پرۆژەی ئاوی ئیفرازی هەولێر خەرجبكرێت بەمەبەستی رووبەڕووبوونەوەی كەمئاوی لەو شارە.

بەشی بکە لە
Previous Next
Close
Test Caption
Test Description goes like this