لامپارد:وامزانی رووبه‌ڕووبوونەوەی به‌رشەلۆنه‌ ده‌بێته‌ خراپترین شه‌وه‌كانم

0
579
لامپارد

SNN Sport

 

فرانك لامپارد راهێنه‌ری چێڵسی ئینگلیزی و ئەستێرەی پێشووی ئەم یانەیە، باسی له‌و ترسه‌ كرد كه‌ جه‌سته‌ی داگرتبوو  له‌ تووشبوون به‌ دۆڕاندنێكی سه‌رشۆڕكه‌رانه‌  له‌ به‌رامبه‌ر به‌رشەلۆنه‌ له‌ خولی پاڵه‌وانه‌كانی ئه‌وروپای ساڵی 2012 .

 

چیڵسی له‌ یاری چوون له‌ سه‌ر یاریگای خۆی به‌ گۆڵێكی بێ به‌رامبه‌ر لە بەرشەلۆنەی برده‌وه‌ و له‌ یاری گه‌ڕانه‌وه‌ به‌رشەلۆنه‌ به‌ دوو گۆڵی بێ به‌رامبه‌ر پێشكه‌وت و جۆن تێری کارتی سووری وەرگرت پێش ئه‌وه‌ی رامیرێس گۆڵی كه‌مكردنه‌وه‌ی جیاوازی تۆمار بكات پێش كۆتاییهاتنی گێمی یه‌كه‌م .

 

پێگه‌ی سكای سپۆرتس لێدوانه‌كانی لامپاردی بڵاوكرده‌وه‌  كه‌ دەڵێت” كاتێک دواكه‌وتین به‌ 2 گۆڵی بێ به‌رامبه‌ر و به‌ 10 یاریزان  یاریمان دەکرد ، وامزانی ئه‌وه‌ ده‌بێتە خراپترین شه‌و  له‌ ژیانمدا “.

 

هه‌روه‌ها وتی ” ئەگه‌رگۆڵمان تۆمارنه‌كردایە پێش كۆتایی گێمی یه‌كه‌م ، هیچ ده‌رفه‌تێكمان  ده‌سته‌به‌ر نه‌ده‌كرد ، ئه‌وە ته‌نیا جار بوو كه‌ گه‌یشتمه‌ نیوه‌ی یاریگای به‌رشەلۆنه‌ له‌ گێمی یه‌كه‌مدا ، خۆش به‌ختی بوو رامیرێسم دۆزییه‌وه‌ بۆ ئه‌وه‌ی تۆپه‌كه‌ی بۆ بنیرم “.

 

له‌ كۆتاییدا وتی ” تۆپ ناردنێكی جوان بوو، كۆتاییهاتنێكی جوانتر بوو ، له‌ نێوان هه‌ردوو گێمی یارییه‌كه‌ ، بیرمان له‌وه‌ نه‌ده‌كردەوە كه‌ ده‌رفه‌تێكی گه‌وره‌مان هه‌بێت، ئه‌و هه‌سته‌ ده‌ستی به‌ ده‌ركه‌وتن كرد  له‌ گێمی دووه‌می یارییه‌كه‌ “.

 

بەشی بکە لە
Previous Next
Close
Test Caption
Test Description goes like this