رێكخراوى ته‌ندروستیى جیهانى ره‌تیده‌كاته‌وه‌ داواكارییه‌كانى تره‌مپ جێبه‌جێ بكات

0
572
سه‌رۆكى رێكخراوى ته‌ندروستى جیهانى و سه‌رۆكى ئه‌مریكا | فۆتۆ: Alex Brandon/AP; Fabrice Coffrini/AFP via Getty Images

رێكخراوى ته‌ندروستى جیهانى ره‌تیده‌كاته‌وه‌ داواكارییه‌كانى سه‌رۆكى ئه‌مریكا بۆ جێبه‌جێكردنى چاكسازى په‌سه‌ند بكات، سه‌رۆكى ئینستیتوتى ئۆنیه‌ڵ-یش تایبه‌ت به‌ ته‌ندروستى جیهانى ده‌ڵێت: “ئه‌م سیاسه‌ته‌ى تره‌مپ ده‌بێته‌ هۆكارى گیانى له‌ده‌ستدانى خه‌ڵكى بێ تاوان”.

ئه‌مڕۆ هه‌ینى رۆژنامه‌ى نیویۆرك تایمز، بڵاویكرده‌وه‌، “ئه‌ندامانى رێكخراوى ته‌ندروستى جیهانى رێككه‌وتوون له‌سه‌ر ئه‌وه‌ى كه‌ داواكارییه‌كه‌ى دۆناڵد تره‌مپ، سه‌رۆكى ئه‌مریكا بۆ ئه‌نجامدانى چاكسازى له‌ماوه‌ى 30 رۆژدا فه‌رامۆش بكه‌ن، به‌رده‌وام بن له‌سه‌ر ئه‌ركه‌كانى خۆیان”.

رۆژى سێشه‌ممه‌ 20ى ئایار، دۆناڵد ترەمپ، سەرۆکی ئەمەریکا له‌ هه‌ژمارى تایبه‌تى خۆى له‌ تۆڕى كۆمه‌ڵایه‌تى تویته‌ر وێنه‌ى نامه‌یه‌كى تایبه‌تى بڵاوكرده‌وه‌ كه‌ ناردوویه‌تى بۆ تێدرۆس ئەدهانۆم، سه‌رۆكى رێکخراوی تەندروستیی جیھانی تێیدا هاتووه‌، “ئەگەر رێکخراوی تەندروستیی جیهانی چاکسازیی ریشه‌ى لەماوەی 30 رۆژی داهاتوودا ئه‌نجامنه‌دات، راگرتنی پارەدارکردنی ئه‌و رێكخراوه‌ كه‌ كاتیه‌ دەکەمە هەمیشەیی و چاو بە ئەندامیێتییمان لەو رێکخراوە دەخشێنمەوە”.

هه‌ڕه‌شه‌كانى تره‌مپ ته‌نانه‌ت له‌ ناوخۆى ئه‌مریكاش ره‌خنه‌یان له‌سه‌ره‌ و له‌و باره‌یه‌وه‌ لاورین گۆستن، سه‌رۆكى ئینستیتوتى ئۆنیه‌ڵیش تایبه‌ت به‌ ته‌ندروستى جیهانى له‌ زانكۆى جۆرجتاون ده‌ڵێت: “ئه‌م جۆره‌ كاره‌ نابه‌رپرسیارانه‌ و ئاگربه‌ردانه‌ ته‌ندروستیى جیهان له‌لایه‌ن ئیداره‌كه‌ى دۆناڵد تره‌مپه‌وه‌ ده‌بێته‌ هۆكارى گیان له‌ده‌ستدانى كه‌سانى بێ تاوان”.

زۆرینه‌ى وڵاتانى جیهان به‌پێچه‌وانه‌ى ئه‌مریكاوه‌ وابریناكه‌نه‌وه‌ كه‌ رێكخراوى ته‌ندروستیى جیهانى زانیارى شاردبێته‌وه‌ له‌باره‌ى كۆرۆنا و له‌گه‌ڵ چین رێككه‌وتنى ژێربه‌ژێرى هه‌بێت، له‌و باره‌یه‌وه‌ ڤێرچین هێنریكسۆن، وته‌بێژى كۆمسیۆنى ئه‌وروپى ده‌ڵێت: “كاتى ئه‌وه‌یه‌ جیهان یارمه‌تى یه‌كترى بدات، نه‌وه‌ك په‌نجه‌ى تۆمه‌ت ئاراسته‌ى یه‌كترى بكه‌ین”، هاوكات ڤالانتینا ماتڤینكۆ، وته‌بێژى په‌رله‌مانى رووسیا ده‌ڵێت: “مۆسكۆ له‌پشت رێكخراوى ته‌ندروستیى جیهانى ده‌وه‌ستێت هیچ هۆكارێك نیه‌ بۆ ئه‌وه‌ى ئێمه‌ داواى لێكۆڵینه‌وه‌ بكه‌ین یان گومانمام له‌ كاره‌كانى ئه‌و رێكخراوه‌ هه‌بێت”.

بەشی بکە لە
Previous Next
Close
Test Caption
Test Description goes like this