گەنجێکى ته‌مه‌ن 27 ساڵ چوار رۆژە بێسەروشوێنە
رابه‌ر حه‌مده‌مین، بێسه‌روشوێن | فۆتۆ: پۆلیسى ڕاپه‌ڕین
SNN – محەمەد مستەفا
ماوەی چوار رۆژە گەنجێکی قەڵادزێ بێسەروشوێنە و پۆلیسی ڕاپەڕین-یش داوا لە هاووڵاتیان دەکات هەر کەسێک زانیاری لەسەر ئەو گەنجە هەیە پۆلیس ئاگاداربکاتەوە.
شۆڕش ئیسماعیل، وتەبێژی پۆلیسی ڕاپەڕین بە (SNN)ی راگەیاند: “له دوانیوەڕۆی رۆژی سێشەممەی رابردوو گەنجێکی دانیشتووی قەڵادزێ بەناوی (رابه‌ر حه‌مده‌مین) كه باوكی ناسراوه به وه‌ستا ( حه‌مده‌مینی كه‌بابچی) لە ماڵ چووه‌تە دەرەوە، تا ئێستا بێسەروشوێنە”.
وتیشی: “ئەو گەنجە دانیشتووی گه‌ڕه‌كی كاره‌با یە لە قەڵادزێ و تەمەنی 27 ساڵە، کەسوکارەکەی لە بنکەی پۆلیسی قەڵادزێ سکاڵایان تۆمارکردووە و ده‌ڵێن: کێشەیان لەگەڵ هیچ کەس و لایەنێک نیە، رووداوه‌كه بۆخۆشیان جێگه‌ى سه‌رسوڕمانه”.
وتەبێژی پۆلیسی ڕاپەڕین باسی لەوەشکرد: “داواکارین لە هاووڵاتیان هه‌ركه‌سێك زانیاری له‌باره‌ی ئەو گەنجە هه‌یه، په‌یوه‌ندی بكات به بنكه‌ی پۆلیسی فریاكه‌وتنی پشده‌ر به ژماره 07707978474”.
