بەفەرمی بایرن میونخ بەرشەلۆنەی بێهیوا کرد

0
1951
بایرن میونخ

SNN Sport

 

ئەمڕۆ بەفەرمی یانەی بایرن میونخی ئەڵمانی یانەی بەرشەلۆنەی بێهیواکردو رەتیکردەوە کۆتینیۆی بەرازیلی لێبکڕێت.

 

کۆتینیۆ لە گواستنەوەکانی هاوینەی ساڵی رابردوو بە خواستن بۆ ماوەی ساڵێک پەیوەندی بە یانەی بایرن میونخ کرد بە بڕی 8.5 ملیۆن یۆرۆ و لەگەڵ بژاردەی کڕین بە بڕی 120 ملیۆن یۆرۆ لە هاوینی ئەمساڵ.

 

ئەمڕۆ رۆمینیگەی بەڕێوەبەری جێبەجێکاری یانەی بایرن میونخ رایگەیاند، بژاردەی کڕینی کۆتینیۆ بە 120 ملیۆن یۆرۆ کۆتایی هاتووەو ئێمە ئەو بڕە پارە بەو یاریزانە نادەین و کار بۆ بەهێزکردنی تیپەکەمان دەکەین بۆ وەرزی داهاتوو”.

 

کۆتینیۆ لە گواستنەوەکانی زستانەی ساڵی 2017 لە یانەی لیڤەرپوڵەوە بە بڕی 120ملیۆن یۆرۆ لەگەڵ 40 ملیۆن یۆرۆی زیادەی تر پەیوەندی بە یانەی بەرشەلۆنە کرد، بەڵام نەیتوانی لەگەڵ یانە کەتەلۆنیەکە سەرکەوتوو بێت و بە ناچاری یانەی بەرشەلۆنەی بە خواستن بەرەو بایرن میونخ جێهێشت.

 

ئەم یاریزانە لە کۆتایی ئەم وەرزە دەگەڕێتەوە بۆ یانەی بەرشەلۆنە، بە قسەی رۆژنامەکانی ئیسپانیا نزیکترین یانە لە کۆتینیۆوە یانەی چێڵسی ئینگلیزییە.

بەشی بکە لە
Previous Next
Close
Test Caption
Test Description goes like this