خۆراكى جه‌ژن خواستى زۆر له‌سه‌ر نییه‌

0
264

SNN -هه‌وراز ئه‌حمه‌د

به‌ڕێوەبه‌رى چاودێرى بازرگانى سلێمانى رایده‌گه‌نێت :”چه‌ند تۆن خۆراك بۆ جه‌ژن هاورده‌كراوه‌ به‌ڵام به‌هۆى بڕیارى قه‌ده‌غه‌ى هاتوچۆوه‌ فرۆش زۆر كه‌مه‌ ئه‌و فرۆشیارانه‌ تووشى زیانى زۆر ده‌بن”.

سۆران غه‌فور، به‌ڕێوبه‌رى چاودێرى بازرگانى سلێمانى به‌ snnى راگه‌یاند :”له‌گه‌ڵ ئاساى بونه‌وه‌ ژیان و كردنه‌وه‌ى بازاڕه‌كان و نزیك بونه‌وه‌ى جه‌ژن فرۆشیاران ئه‌و خۆراكانه‌ى كه‌ بۆ جه‌ژن پێویستى هاووڵاتیان بێت هاورده‌یان كرد، به‌ڵام به‌هۆى ئه‌وه‌ى حكومه‌تى هه‌رێم بڕیاریدا كه‌ڕۆژانى جه‌ژنى ره‌مه‌زان قه‌ده‌غه‌ى هاتوچۆ پیاده‌ بكرێت، هاوڵاتیان به‌كه‌مى خۆراك و پێداویستى جه‌ژن ده‌كڕن ئه‌مه‌ش دوباره‌ گرفتى بۆ فرۆشیاران و دوكانداران دروست كرد”.

وتیشى “ساڵانه‌ به‌ ده‌یان تۆن له‌ چكلێت و شیرینى و چه‌ره‌سات له‌ پێشوازى جه‌ژندا له‌لایه‌ن بازرگانانه‌وه‌ هاورده‌ ده‌كرێت، بۆ ئه‌مساڵیش به‌ هه‌مان شێوه‌ بازرگانان له‌ كاتى خۆیدا ئاماده‌كاریان ده‌ست پێكرد، به‌ڵام كۆگان پڕن و هێشتا زۆربه‌ى نه‌خراوه‌ته‌ بازاڕه‌وه‌ به‌ هۆى نه‌بوونى كڕیاره‌وه‌”.

“ڕێژه‌ى فرۆشتنى خواده‌مه‌نی و كه‌لوپه‌له‌كانى جه‌ژن له‌50% كه‌مى كردوه‌”

عوسمان كه‌ریم، رۆشیارێكه‌ له‌ شارى سلێمانى و ساڵانه‌ له‌گه‌ڵ پێشوازى له‌ جه‌ژنه‌كاندا فرییاى ئه‌وه‌ نه‌ده‌كه‌وت وه‌ڵامى كڕیار بداته‌وه‌ به‌ڵام ئه‌مساڵ به‌هۆى كۆرۆناوه‌ له‌ دوكانه‌كه‌ى به‌ ته‌نها دانیشتبوو چاوه‌ڕوانى موشتیه‌ریه‌ك بوو.

عوسمان به‌ snn ى راگه‌یاند :”به‌ هۆى كۆرۆناوه‌ چه‌ندین مانگه‌ تواناى دابین كردنى كرێ دووكانه‌كه‌شمان نییه‌، چاوه‌ڕێى ئه‌وه‌ بووین له‌ جه‌ژنى ره‌مه‌زاندا قه‌ره‌بووى ئه‌و زیانه‌ بكه‌ینه‌وه‌ به‌ڵام بڕیارى قه‌ده‌غه‌ى هاتوچۆ ئه‌و خه‌نه‌شى لێ تێكداین و هاووڵاتیان به‌ كه‌مى دێن بۆ كڕینى پێداویستى جه‌ژن”.

PW2H4358
PW2H4358

بەشی بکە لە
Previous Next
Close
Test Caption
Test Description goes like this