بومەلەرزەیەک لە ئێران برینداری لێکەوتەوە

0
492
پیاوێکی کرماشانی لەبەردەم ماڵەکەیدا کە بەهۆی بومەلەرزەیەکی ساڵی رابردوو خاپووربووە

SNN

دوانیوەڕۆی ئەمڕۆ بومەلەرزەیەک باشوور و رۆژئاوای ئێرانی هەژاند و بەوهۆیەوە لانی کەم سێ کەس برینداربوون.

ئاژانسی هەواڵی تەسنیم بڵاویکردەوە، بومەلەرزەکە بە گوڕی 5.1 پلەی رێختەر روویداوە و شاری گاچسارانی لە باشووری رۆژئاوای ئێران هەژاندووە.

رێکخراوی خاچی سووری ئێرانیش رایگەیاندووە: بومەلەرزەکە هێندە بەهێزبووە کە باڵەخانەکانی شاری گاچسارانی لەرزاندووە و لانی کەم سێ کەس برینداربوون.

بە گوێرەی زانیارییەکانی دەزگای چاودێری جیۆلۆجیکی ئەمریکا، چەقی بومەلەرزەکە پارێزگای بۆیەر ئەحمەد بووە.

ئێران بەهۆی هەڵکەوتەی جوگرافییەوە بە بەردەوامی دووچاری بومەلەرزە دەبێت، بەشێک لەو بومەلەرزانەش کارەساتباربوون و بەهۆیانەوە سەدان کەس گیانیان لەدەستداوە و برینداربوون.

بەشی بکە لە
Previous Next
Close
Test Caption
Test Description goes like this