دەسەڵاتی فڕۆکەوانی عێراق: جارێ گەشتەکان دەستپێناکەینەوە

0
215

SNN

دەسەڵاتی فڕۆکەوانی عێراق رەتیکردەوە گەشتە ئاسمانییەکانی خۆی لەمانگی حوزەیراندا دەستپێبکاتەوە.

جیهاد کازم وتەبێژی دەستەی فڕۆکەوانی عێراق بەئاژانسی هەواڵی عێراقی وتووە: “ئەو دەنگۆیانە راست نین کە باس لەدەستپێکردنەوەی گەشتەکان دەکەن لە سەرەتای مانگی حوزەیرانەوە”.

وتیشی: “دەسەڵاتی فڕۆکەوانی تا کۆتایی ئەم مانگە قەدەغەی گەشتی کردووە، دوای ئەو وادەیە لەگەڵ شانەی قەیرانەکان کۆدەبینەوە و بەپێی دۆخەکە بڕیار دەدەین”.

رۆژی هەینی رابردوو، دەسەڵاتی فڕۆکەوانی مەدەنی عێراق رایگەیاند: تا کۆتایی مانگی ئایار، درێژه‌ بە وەستانی گەشتە ئاسمانییەکان دەدرێت، کە بەهۆی مەترسیی بڵاوبوونەوەی ڤایرۆسی کۆرۆناوە لە 17ی ئازاری رابردوو هەموو گەشتە ئاسمانییە ناوخۆیی و دەرەکییەکانی لە ئاسمانی عێراق راگرت.

بەشی بکە لە
Previous Next
Close
Test Caption
Test Description goes like this