کۆرۆنا هاتوچۆ لەخورماتوو دەوەستێنێت

0
314

SNN- سیروان حه‌سه‌ن 

له‌ قه‌زاى خورماتوو له‌به‌ر تووشبوونى چوار هاووڵاتى به‌ ڤایرۆسى كۆرۆنا هاتوچۆ به‌ هه‌موو شێوه‌یه‌ك بۆ ماوه‌ى دوو ڕۆژ قه‌ده‌غه دەکرێت‌ و پكشنین بۆ خێزانه‌ نزیكه‌كانى تووشبوه‌كان ده‌كرێت و دوو گومانلێكراو هه‌یه‌. 

د. محه‌مه‌د ئه‌كبه‌ر به‌ڕێوه‌به‌رى نه‌خۆشخانه‌كانى خورماتوو به‌ SNNی راگه‌یاند؛ له‌به‌رئه‌وه‌ى له‌ خورماتوو چوار حاڵه‌تى تووشبوون به‌ ڤایرۆسى كۆرۆنا تۆماركراون كه‌ یه‌كێكیان دایك و كوڕ و كچێكه‌ قه‌ده‌غه‌ى هاتووچۆ بۆ ماوه‌ى دوو ڕۆژ راگه‌یه‌ندراوه‌ و هه‌موو جۆره‌ هاتوچۆیه‌ك یان كردنه‌وه‌ی دوكان و شوێنكاره‌كان ڕێگه‌پێدراو نییه.

وتیشى: “بۆ رێگریكردنیش له‌و ڤایرۆسه‌، تیمێكى پزیشكى سه‌ردانى گه‌ڕه‌كى جمهورى قه‌زاكه‌یان كردووه‌ كه‌ ماڵى ئه‌و دایك و كوڕو كچه‌ى تێدایه‌ و هه‌ڵگرى ڤایرۆسه‌كه‌ن، تیمه‌كان پشكنین بۆ 100 خێزانى نزیك له‌و تووشبوانه‌ ده‌كهن.

د. محه‌مه‌د ئه‌كبه‌ر ئه‌وه‌شى خسته‌ڕوو، تاوه‌كو ئێستا له‌و پشكنینانه‌ى وه‌ریان گرتووه‌ گومانده‌كه‌ن دوو كه‌سی دیكه‌ش هه‌ڵگرى ڤایرۆسه‌كه‌ بن، هه‌ربۆیه‌ داوا له‌ هاووڵاتیان ده‌كه‌ن پابه‌ندبن له‌ ماڵه‌وه‌ بمێننه‌وه‌.

له‌ چه‌ند ڕۆژى رابردوو له‌ قه‌زاى خورماتوو دوو هاووڵاتى ئاشكرابوون هه‌ڵگرى ڤایرۆسى كۆرۆنان و دواتر له‌ ئه‌نجامى پشكنین ده‌ركه‌وت یه‌كێك له‌ تووشبوه‌كان دایك و خوشكێكیشن و ڤایرۆسه‌كه‌یان پێوه‌یه‌.

دوای دەستنیشانکردنی ئەو حاڵەتانەش بڕیاردرا بە:

1/ قەدەغەکردنی هاتوچۆ و داخستنی هەردوو ڕێگای هاتنە ژورەوەی باکور و باشور
2/ داخستنی بازگەی ڕۆژ ئاۆا
3/داخستنی سەرجەم دوکانەکان
4/تەنها دەرمانخانەکان کراوە ئەبن
5/ قەدەغە کردنی هاتوچۆ بە ماتۆرسکیل و پاسکیل و
دەست بەسەراگرتنیان
6/داخستنی سەرجەم مزگەوت و حوسێنیەکان
7/داخستنی سەرجەم یاریگا و هوڵەکانی وەرزش و کافتریا و مەلەوانگەکان
8/ پولیسی هاتوچۆ سزای ئەوە ئۆتۆمبیلانە ئەدات کە سەرپێچی ئەکەن

بەشی بکە لە
Previous Next
Close
Test Caption
Test Description goes like this