خوێندكارێكى زانكۆ دواى رفاندنى لەلایەن داعشەوە، وێنه‌ى سه‌ربڕینه‌كه‌ى بۆ كه‌سوكارى دەنێرنەوە

0
24629

سیروان حه‌سه‌ن

دواى ئه‌وه‌ى له‌ چه‌ند مانگى رابردوودا چه‌كدارانى داعش له‌ سنوورى خانه‌قین چه‌ند خوێندكارێكى زانكۆ و هاووڵاتى مه‌ده‌نیان رفاند، ئه‌مڕۆ وێنه‌ى سه‌ربڕینى یه‌كێك له‌ خوێندكاره‌كانى بۆ كه‌سوكاره‌كه‌ى ناردووه‌ته‌وه‌.

سیروان عه‌زیز ناسراوی نزیك ئه‌و خوێندكاره‌ به‌ snnى راگه‌یاند؛ دواى رفاندنى بۆ ماوه‌ى زیاتر له‌ چوار مانگ ئه‌مڕۆ له‌ لایه‌ن چه‌كدارانى داعشه‌وه‌ وێنه‌ى “جاسم محه‌مه‌د” كه‌ كورده‌و خوێندكارى كۆلێژى زانستى سیاسه‌ له‌ زانكۆى كه‌ركووك بۆ كه‌سوكارى نێردراوه‌ته‌وه‌ و له‌ وێنه‌كه‌دا ده‌رده‌كه‌وێت سه‌ریان بڕیوه‌.

وتیشى، “هه‌رچه‌نده‌ ئه‌وانه‌ى رفێندران داعش چه‌ند كه‌سێكى له‌ به‌رامبه‌ر پاره‌ ئازاد كرد، به‌ڵام بۆ چه‌ند كه‌سێك له‌ رفێندراوه‌كان ئاماده‌نه‌بوون هیچ رێكه‌وتنێك بكه‌ن سه‌ره‌ڕاى ئه‌وه‌ى كه‌سوكارى ئه‌وانه‌ هه‌وڵى زۆریاندا به‌ڵام بێ ئەنجامبوو.

له‌ شه‌وى 30ی کانوونی دووەمی 2020 له‌ كاتێكدا ژماره‌یه‌ك خوێندكارى زانكۆ له‌ كه‌ركووكه‌وه‌ ده‌گه‌رێنه‌وه‌ له‌ نزیك ناحیه‌ى قه‌ره‌ته‌په‌ له‌ لایه‌ن داعشه‌وه‌ رێگه‌یان لێگیراو دواتر كچه‌كان ئازادكران و كوڕه‌كانیش رفێندران. هه‌ر ئه‌و شه‌وه‌ له‌ هه‌مان ناوچه‌ چه‌ند شۆفێرێكیش به‌ هه‌مان شێوە‌ رفێندران و دواتر چه‌ند كه‌سێكیان له‌به‌رامبه‌ر 70 هه‌زار دۆلار ئازاد كران.

بەشی بکە لە
تاگەکانداعش
Previous Next
Close
Test Caption
Test Description goes like this