دوای هەفتەیەک لە دیار نەمانی ته‌رمى گه‌نجێكى ته‌مه‌ن 28 ساڵان دۆزرایه‌وه
رابه‌ر حه‌مده‌مین، بێسه‌روشوێن | فۆتۆ: پۆلیسى ڕاپه‌ڕین
SNN – محەمەد مستەفا
دوای هەفتەیەک لە بێسەروشوێنبوونی گەنجێکی دانیشتوی قەڵادزێ ته‌رمه‌كه‌ى به کوژراوی دۆزرایەوە.
شۆڕش ئیسماعیل، وتەبێژی پۆلیسی ڕاپەڕین بە (SNN)ی راگەیاند: “شەوی سێشەممەی رابردوو 19ی ئایار، کەسوکاری هاووڵاتی (ڕابه‌ر محه‌مه‌د ئه‌مین ئیبراهیم) لە بنکەی پۆلیسی قەڵادزێ سکاڵایان تۆمارکرد کە کوڕەکەیان لە نیوەڕۆی هەمان رۆژ لە ماڵ چووه‌ته‌تە دەرەوە و نەگەڕاوەتەوە، هاوکات تا ئەمڕۆ ئەو گەنجە چارەنووسی نادیار بوو”.
وتیشی: “دوای تێپەڕبوونی هەفتەیەک بەسەر دیار نەمانیدا، تەرمی ئەو گەنجە تەمەن 28 ساڵانە بە کوژراوی لە گوندی (شۆڕان)ی سنووری قەزای پشدەر دۆزرایه‌وه”.
وتەبێژی پۆلیسی ڕاپەڕین باسی لەوەشکرد: “قوربانییەکە شوێنەواری گوللە بەسەر جەستەیەوە هەیە و لەسەر رووداوەکەش پۆلیسی ڕاپەڕین دوو کەسی دەستگیر کردووە و لێکۆڵینەوەکانیش لەو رووداوە بەردەوامن”.
