دیارترین ئەو 5 یاریزانەی مایەپوچبوون

0
11093
رۆناڵدینیۆ و مارادۆنا

SNN Sport

 

ئاسته‌نگه‌ داراییه‌كان هه‌موان  تووشی دەبن ، به‌ڵام ده‌توانرێت به‌ شێوه‌یه‌كی روونتر له‌ لای یاریزانانی تۆپی پێ ببینرێت ، ئه‌مه‌ش به‌ هۆی په‌نجه‌ره‌ی سامانه‌كانیان به‌رده‌وام به‌كراوه‌یی بۆ ماوه‌یه‌كی درێژ نامێنێته‌وه‌ به‌راورد به‌ خاوه‌ن پیشه‌كانی تر ، سەرەڕای ئه‌وه‌ی ره‌نگه‌ زوو وازبهێنن به‌ هۆكاری ته‌ندروستی .

 

زۆرێك  له‌ ئه‌ستێره‌كانی تۆپی پێ شكستیان هێنا  له‌ پارێزگاریكردن له‌ سامانه‌كه‌یان و هه‌ندێكیان رووبه‌ڕووی مایه‌پوچبوون بوونه‌وه ‌كاتێک خۆیان له‌ ده‌ره‌وه‌ی یاریگاكان بینییه‌وه‌ كه‌ سه‌رچاوەی‌ داهات بوو بۆیان .

 

یاریزانانی ئێستا ترسی ئه‌وه‌یان هه‌یه‌  به‌ هه‌مان شێوه‌ بكه‌ونه‌ ته‌ڵه‌ی مایه‌پووچبوون ، به‌ تایبه‌تی كه‌ دۆخی ئێستا واده‌خوازێت مووچه‌كانیان كه‌م بكرێته‌وه‌ به‌ هۆی وه‌ستانی چالاكی وه‌رزشی له‌ هه‌موو جیهاندا .

 

له‌ خواره‌وه‌ 5 یاریزان ده‌خه‌ینه‌ روو كە‌ چاره‌نووسیان مایه‌پووچبوون بوو  له‌ كاتێك له‌ كاته‌كاندا :

 

جیان ئاساموای غانی:

 

جیان ئاساموا  به‌ درێسی چه‌ندین یانه‌ دروشایه‌وه‌ ،  له‌ نێویاندا سەندەرلاندی ئینگلیزیی و عه‌ینی ئیماراتی و تا ماوه‌یه‌كی نزیك  له‌ نێو به‌رزترین مووچه‌ی یاریزانان بوو ، به‌ڵام دۆخی دارایی پاش په‌یوه‌ندیكردنی  به‌ یانه‌ی قه‌یسه‌ری سپۆری توركی خراپ بوو .

له‌ ماوه‌ی  یاریكردنی له‌ یانه‌ی عه‌ینی ئیماراتی  له‌ 2012 بۆ 2015 هه‌فتانه‌ 200 هەزار یۆرۆی وه‌رده‌گرت و ئه‌و بڕه‌ به‌رز بووەوە‌ بۆ 250 هه‌زار یۆرۆی هه‌فتانه‌ له‌ ماوه‌ی یاریكردنی  بۆ یانه‌ی شەنگهای چینی له‌ ساڵانی 2015-2016 .

 

رۆژنامه‌ی ( زه‌ سه‌ن )ی بەریتانی دووپاتكردنه‌وه‌ی ئه‌و یاریزانه‌ی بڵاو كرده‌وه‌ كه‌  له‌ ساڵی 2018  له‌ ئه‌ژماره‌ی بانكی خۆی خاوه‌نی ته‌نها 620 یۆرۆ بووه‌ و بۆ ماوه‌یه‌كی  درێژ په‌یوه‌ندی نه‌بووه‌ له‌گه‌ڵ خێزانه‌كه‌ی و   مناڵه‌كانی چونكه‌ خاوه‌نی هێچ نه‌بووه‌ كه‌ پێشكه‌شیان بكات .

دایڤید جەیمس

سەرەڕای ئه‌وه‌ی  كه‌ له‌ ماوه‌ی كاروانی وه‌رزشی خۆی نزیكه‌ی 20 ملیۆن یۆرۆی ده‌ستكه‌وتووه‌ ، به‌ڵام گۆڵپارێزی پێشووی ئینگلته‌را ساڵی 2014مایه‌پوچبوونی خۆی ڕاگه‌یاند و ناچار بوو خه‌ڵاته‌كانی بفرۆشێته‌وه‌ بۆ دانه‌وه‌ی قه‌رزه‌كانی ، ئه‌مه‌ش به‌ پێی رۆژنامه‌ی ( زه‌ سه‌ن ).

 

پێده‌چێت  جیابوونه‌وه‌ی جەیمس گران به‌ها له‌ خێزانه‌كه‌ی ” تانیا ” له‌ ساڵی 2005 هۆكاری  سه‌ره‌كی بوو له‌ كه‌وتنی   به‌ چنگی كه‌م ده‌رامه‌تی ، سەرەڕای ئه‌وه‌ی ملیۆنانی به‌ده‌ستهێناوه‌  له‌ ماوه‌ی كاروانی وه‌رزشیدا  له‌ چه‌ندین یانه‌ی به‌ ناوبانگ وه‌كو لیڤه‌رپوڵ  مانچسته‌ر سیتی و ئه‌ستۆن ڤێلا و وێستهام .

جۆن ئارن ریزە.

ئەو‌ یاریزانه‌ نه‌رویجییه‌  ساڵی 2007 مایه‌ پوچبوونی راگه‌یاند ، ئەمەش به‌ هۆی شكستهێنانی  له‌ دانه‌وه‌ی قه‌رزه‌كانی به‌ هۆی پرۆژه‌یه‌كی بازرگانی شكستخواردوو ، یاریكرد بۆ یانه‌كانی فۆڵهام و لیڤه‌رپول له‌ ئینگلته‌را و رۆمای ئیتاڵی و ئەپوێلی قوبرسی .

 

پێگه‌ی” سپۆرتس كیدا ” ئاماژه‌ی بۆ ئه‌و كرد كه‌ ئه‌و یاریزانه‌ تێوه‌گلاوه‌ لە ململانێیەكی یاسایی  له‌گه‌ڵ یه‌كێك  له‌ بریكاره‌كانی ، كه‌یسه‌كه‌ش گرێدراوبوو به‌ قۆڵبرینێك به‌ بڕی 3 ملیۆن پاوەن له‌ ماڵی ئارنی ریزه‌  له‌ نه‌رویج .

 

كه‌یسه‌كه‌ با‌یەخێكی رۆژنامه‌وانی گه‌وره‌ی به‌ لای خویدا ڕانه‌كێشا ، وه‌ك ئه‌وه‌ی خودی یاریزانه‌كه‌ بۆی ده‌چوو كه‌ كێشەیه‌كه‌  له‌ ئاینده‌دا به‌ ئاسانی ده‌توانرێت چاره‌سه‌ر بكرێت ، دوایین جار ریزه‌  له‌ خولی هیندی نایاب بینرا و له‌ هێڵی ناوه‌راست  له‌ یانه‌ی چینای یاریده‌كرد .

دییەگۆ مارادۆنا:

 

ئه‌فسانه‌ی ئه‌رجه‌نتین دییەگۆ مارادۆنا  پێش 11 ساڵ به‌ فه‌رمی مایەپووچبوونی خۆی ڕاگه‌یاند ، هه‌روه‌ها دادگای ئیتاڵی داوای له‌و یاریزانه‌ كرد بڕی 43 ملیۆن پاوەن بداته‌ حكومه‌ت ، ئه‌مه‌ش به‌های ئه‌و باجه‌یه‌  خۆی لێدزیوەته‌وه‌  له‌ كاتی یاریكردنی  له‌گه‌ڵ ناپۆلی  له‌ هه‌شتا‌كانی سه‌ده‌ی رابردوودا .

 

به‌ پێی راپۆرتێك  ده‌سته‌ی ئیزه‌گه‌ی بەریتانی بڵاویكرده‌وه‌ ، ئالوده‌بوون به‌ ماده‌ هۆشبه‌ره‌كان ، ئه‌و یاریزانه‌ی ئاراسته‌ی داڕمان كرد ، هه‌مان سه‌رچاوه‌ دووپاتی كرده‌وه‌ كه‌ مارادۆنا به‌ ته‌له‌فزیۆنی ئه‌رجه‌نتینی وتووه‌ كه‌ ساڵی 2005 مایه‌ پووچبووه‌ .

رۆناڵدینیۆ:

 

رۆژنامه‌ی ” زه‌ سه‌ن ”  ئاشكرایكرد كه‌ ئه‌فسانه‌ی  تۆپی پێی به‌رازیل و یانه‌ی به‌رشەلۆنه‌ی ئیسپانی  پێش 2ساڵ به‌ برێكی پاره‌ی گه‌وره‌ کە به‌هاكه‌ی 2.5 ملیۆن یۆرۆ قه‌رزاربووه‌ و له‌ هه‌مان ماوه‌دا رۆناڵدینیۆ رایگه‌یاند كه‌ ئه‌ژماری بنكه‌یه‌كی  ته‌نیا ” 5 پاوەنی تێدایه‌ .

رۆناڵدینیۆ پێش چه‌ندین ساڵ  یه‌كێك بوو له‌ باشترین یاریزانان له‌ جیهاندا ، به‌ڵام پلاندارشتنی خراپی بۆ ژیانی له‌ ده‌ره‌وه‌ی یاریگا تووشی گرفتی زۆری كرد ، به‌راده‌یه‌ك كه‌ پێش ماوه‌یه‌ك 2مانگی به‌ سه‌ر برد له‌ یه‌كێك لە زیندانییه‌كانی پاراگوایی .

بەشی بکە لە
Previous Next
Close
Test Caption
Test Description goes like this