کەلار.. ئۆتۆمبێلێکی گاز لەکاتی بەتاڵکردنی سووتەمەنی بۆ موەلیدە ئاگری گرت
وێنەی گڕگرتنی ئۆتۆمبێلەکە
SNN- سیروان حەسەن
لەشاری کەلار لەکاتی تێکردنی گاز بۆ مۆلیدە، تانکەرێکی سووتەمەنی گڕی گرت و بەتەواوی سووتا.
ئیبراهیم عەبدولرەحمان بەڕێوەبەری ئاگرکوژێنەوەی کەلار بە SNNی ڕاگەیاند: ئێوارەی ئەمڕۆ لە گەڕەکی گازینۆی شاری کەلار تانکەرێکی سووتەمەنی کە گازی هەڵگرتبوو لەکاتی تێکردنی گاز بۆ مۆلیدەیەکی گەڕەکەکە گڕی گرت و بەتەواویی سووتا.
وتیشی: “هۆکاری ئاگرەکە بەهۆی شۆرتی کارەبای موزەخەی سەر تانکەرەکە بووە کە لەکاتی بەتاڵکردنەوەی گازەکە ئاگرەکەی لێکەوتووەتەوە”.
ئیبراهیم عەبدولرەحمان ئەوەشی خستەڕوو، تیمەکانیان توانیویانە مۆلیدە و ماڵەکانی نزیک تانکەرەکە لەو ئاگرە بپارێزن و هیچ زیانێکیان پێ نەگات.
پەرەپێدراوە و دروستکراوە