وەزارەتی ناوخۆی هەرێم قەدەغەی هاتوچۆی درێژ کردەوە

0
1100

SNN

وەزارەتی ناوخۆ قەدەغەی هاتووچۆی نێوان پارێزگاکانی تا 15/06/2020 درێژکردەوە

لەبڕیارێکی نوێدا وەزارەتی ناوخۆی هەرێم قەدەغەی هاتوچۆی نێوان پارێزگاکانی تا رۆژی 15ی حوزەیران درێژکردەوە.

لەبڕیارەکەدا هاتووە:
بەردەوامبوونی راگرتنی هاتوچۆ لەنێوان پارێزگاکانی هەولێر و سلێمانی و دهۆک و هەڵبجە و ئیدارە سەربەخۆکان تا رۆژی 15ی مانگی داهاتوو درێژ کراوەتەوە.


هاوکات ئەو هاووڵاتییانەی لە پارێزگاکانی دیکەی عێراق و ناوچەکانی دەرەوەی هەرێم دێنەوە لەسەر ئەکی خۆیان بۆ 48 کاتژمێر کەرەنتینە دەکرێن و تێچووی پشکنینەکە دەکەوێتە ئەستۆی خۆیان.


بەگوێرەی بڕیارەکەی وەزارەتی ناوخۆ، هاووڵاتیان دەتوانن لەڕێگەی فۆڕمی ئەلیکترۆنی و لە کاتی پێویست، هاتوچۆ لە نێوان پارێزگاکانی هەرێم بکەن.

هەروەک هاووڵاتیان نابێت پرسە دابنێن تەنانەت لە ناو ماڵیش، گەر ئەو کارە بکەن، بە بڕی 2 ملیۆن دینار سزا دەدرێن.

وەزارەتی ناوخۆ دەڵێت: “پێویستە خەڵک پابەند بن بە رێککارەکانی خۆپارێزی و دووریی نێوان هاووڵاتیان 1.5مەتر کەمتر نەبێت و لە فرۆشگەکان و شوێنە خزمەتگوزارییەکان دەمامک بەکاربهێنن”.

سەبارەت بە هێڵەکانی گواستنەوە، وەزارەتی ناوخۆ دەڵێت، “دەبێت شۆفێری ئۆتۆمبێلەکانی گواستنەوەی گشتی و تاکسی رێگە بە سەرنشین نەدەن بێ دەمامک لە ئۆتۆمبێلەکەی سواربێت و بە پێچەوانەوە بە بڕی 50 هەزار دینار بۆ هەر حاڵەتێک شۆفێرەکە سزادەدرێت”.

بەشی بکە لە
Previous Next
Close
Test Caption
Test Description goes like this