یاسا
یاسا
مەبەست چۆن توش بوو؟..كێ‌ حەبەكەی پێ‌ فرۆشت؟
SNN: 
مەبەست گەنجێكی تەمەن 17 ساڵەو دانیشتوی یەكێك لەشارەكانی هەرێمی كوردستانە، ئەم گەنجە لەتەمەنی منداڵییەوە كاردەكات و بەوە ناسراوە كە گەنجێكی ئازایەو حەزی زۆر بەكاركردن هەیە، لەدوا كاریدا لەگەڵ ژمارەیەك وەستا كاردەكات كە كاریان تەختەبەستی خانوەو هەمیشە ئەم كوڕە زوو دەچێتەسەركارو هیچ دواكەوتێكی نییە.

دواجار لەپڕۆژەیەكی گەورەی وەبەرهێناندا كاردەكات و خاوەن كارەكە داوایان لێدەكات بەقۆنتەرات كارەكە بكەن، دواتر مەبەست و وەستاكەی ڕێكدەكەون لەگەڵ خاوەنی پڕۆژەكە، بەڵام لەبەرئەوەی پڕۆژەكە زۆرەو ئەمانیش وەستاو كرێكاریان كەمە، بۆیە ناچاردەبن ژمارەیەك وەستاو كرێكاری دیكە بهێننە ناو پڕۆژەكە بۆئەوەی لەوادەی دیاریكراوی خۆیدا پڕۆژەكە تەسلیم بەخاوەن كارەكە بكەنەوە، لەناو كڕێكارەكاندا ژمارەیەك كرێكاری ئێرانی تێدایە، كە ئەوانیش توانایەكی زۆری كاركردنیان هەیە.
 

كرێكارە ئێرانییەكان هیلاك نابن، هۆكاری چییە؟

لەگەڵ ئەوەی مەبەست خۆی توانایەكی زۆری هەیە، بەڵام چەندجارێك لەكرێكارە ئێرانییەكان دەپرسێت هۆكاری چییە ئێوە ئەو توانا زۆرەتان هەیەو هیلاك نابن؟ لەوەڵامدا كرێكارەكان هیچی پێناڵێن و دەڵێن تەنها ئەوەیە ئێمە لەسەر كاركردن ڕاهاتوین و هیلاك نابین، بەڵام وردە وردە ئەو كرێكارانە دەبنە جێی سەرنجی خاوەنی پڕۆژەكەو وەستاكەی مەبەست، چونكە بەگوێرەی زانیاری دەستكەوتوو، ئەو كرێكارە ئێرانیانە ڕۆژانە نزیكەی 15 كاتژمێر كاردەكەن و هیلاك نابن.
 

گەنجەكە چۆن توش دەبێت؟

ئەمەش وا لەمەبەست دەكات خۆی لەو كرێكارانە نزیك بكاتەوەو لەو هۆكارە تێبگات چۆن هیلاك نابن، چونكە ئەمە لەتوانای مرۆڤی ئاسایدا نییە، تا ڕۆژێك مەبەست لەسەر كار زۆر هیلاك دەبێت و كرێكارە ئێرانییەكە لێی دەپرسێت زۆر هیلاك بویت، مەبەستیش وەڵامی دەداتەوەو دەڵێت:"بەڵێ زۆر هیلاك بوم و سەرو قاچم ئازاری هەیە"، بەڵام كرێكارە ئێرانیەكە وەڵامی دەداتەوەو دەڵێت:"ئێستا شتێكت دەدەمێ زوو چاك دەبیتەوەو هیچ هیلاك نابیت".

مەبەستیش لێی دەپرسێت "چییە؟"، ئەویش لەوەڵامدا دەڵێت:"تەنها حەبی ئازارەو هیچی تر"، دوای ئەوەی مەبەست دەیخوات سەرەتا زۆر گێژ دەبێت، بەڵام دواتر توانایەكی زۆری دەداتێ و دەستدەكاتەوە بەكاركردن، ڕۆژی دوەم بەهەمانشێوە دەیخواتەوە بۆ ماوەی دوو هەفتە لەسەریەك كرێكارە ئێرانییەكە حەبەكە دەداتەوە بەمەبەست.


چۆن گەنجەكە وا هەستدەكات توش بوە؟

دواتر ئێرانیەكە حەبەكە بەمەبەست دەفرۆشێت، كاتێك مەبەست دەڵێت:"بەچەندە؟" كرێكارە ئێرانییەكەش داوای پارەیەكی زۆردەكات، مەبەست لێی دەپرسێت:"بۆ ئەوەندە گرانە"، لەوەڵامدا كرێكارە ئێرانییەكە پێی دەڵێت:"ئەوە مادەی هۆشبەرەو تازە تۆ ئالودەی بویت و دەبێت بیكڕیت".

كاردەگاتە ئەوەی مەبەست بێ ئەو حەبە هیچ كارێكی بۆ ناكرێت، دوای ئەوەی كاركردن لەپڕۆژەكە نزیكدەبێتەوە لەكۆتایی، كرێكارە ئێرانییەكان ڕێكدەكەون بگەڕێنەوە بۆ ئێران، بەڵام بەمەبەست دەڵێن بڕێكی زۆر لەو حەبە بكڕێت، چونكە بەئاسانی دەستناكەوێت، بۆیە مەبەست بڕێكی زۆر دەكڕێت و ئێرانییەكان دەگەڕێنەوە.

دوای یەك مانگێك، مەبەست لەگەڵ خزمێكی سەردانی ماڵی خزمێكی دیكەیان دەكات، لەبازگەیەك دوای ئەوەی دەپشكێندرێن، ئەو حەبەی پێدەگیرێت!.
 

بڕیاری دادگا چییە ؟

دوای لێكۆڵینەوە دەردەكەوێت كە ئەو حەبە ناوی (ترامادۆڵە)و یەكێكە لەمادە هۆشبەرەكان، بۆیە كەیسەكە ڕەوانەی دادگا دەكرێت و بەگوێرەی مادەی (14/دوو) یاسای مادە هۆشبەرەكان ژمارە 68ی ساڵی 1965 بەپشتبەستن بەهەردوو مادەی  (62و 77/ یەكەم ـ ب) شەش مانگ زیندانی بەسەردادەسەپێندرێت و بەغەرامەكردنی بڕی 230 هەزار دیناری عیراقی.
 

تیبێنی:

ـ ناوی سەرجەم كەسەكان خوازراون.
ـ مەبەست لەبڵاوكردنەوەی ئەم چیرۆكە بۆئەوەیە هەمولایەك ئاگاداربن لەچۆنێتی بڵاوبونەوەو ڕێگریكردن لەمادە هۆشبەرەكان، چونكە ئەو مادانە دواجار بەزیانی هەموان لەكۆمەڵگە كۆتایی دێت.
6 مانگ پێشتر - Mar 15 2019 8:33PM
5845
بابه‌تی زیاتر
ناڤین ڕەشۆ یەکەم جار بەدیاری درام بەچەکدارێکی کورد ...
چیرۆکی کوشتنی شادیە جاسم ...
مەبەست چۆن توش بوو؟..كێ‌ حەبەكەی پێ‌ فرۆشت؟...
سه‌ره‌تا داوای‌ ماچی‌ كردو دواتر ده‌ستدرێژیكرده‌سه‌ر...
بۆ ئەوەی سەفەری دەرەوەی وڵات چی ھەڵەیەکی ئەنجامدا ؟...
دایكی‌ خۆی‌ ده‌كوژێت..هۆكاره‌كه‌ی‌ بزانه‌...
مامی‌ ویستی‌ به‌زۆر لاقه‌ی‌ برازاكه‌ی‌ خۆی‌ بكات..چی‌ ڕ...
دیلان كۆتایی به‌ژیانی‌ خۆی‌ هێنا..له‌زیندان چی‌ به‌سه‌ر...
دوو برا قۆڵبڕەكە دەستگیركران...
سه‌یران هانی‌ كچه‌كه‌یدا خۆی‌ بكوژێت یان له‌بینایه‌كه‌و...
دایكێك به‌ده‌ستی خۆی كوڕه‌كه‌ی ده‌خاته‌ زیندانه‌وه‌...ل...
گرته‌یه‌كی‌ سه‌یرانی‌ بڵاوكرده‌وه‌و سه‌یرانیش به‌ده‌مان...
بەهۆی مەستانەوە خێڵان پێنج چەقۆی لێدەدرێت...
فریاد کارەکەی لەدەستداو پێنج ساڵیش زیندانی دەکرێت...
ئازاد براده‌ره‌كانی ڕاسپارد دزی له‌باوكی بكه‌ن...
میران بەھۆی خۆشەویستی بۆ باوکی توشی ھەڵەیەکی گەورەبوو.....
بزانە بەهۆی تیژڕەویەوە لەكوردستان چی ڕویدا...
شانۆ ترس له‌خێزانه‌كه‌ی روبه‌روی كاره‌ساتی كرده‌وه‌...