ته‌ندروستی
ته‌ندروستی
بەمشێوەیە لە قەبزی رزگارت دەبێت
SNN: كۆسار مەحمود
 شارەزایەكی بواری دەرمانی گیایی پەیوەندی نێوان قەبزی و قەڵەوی ئاشكرادەكات و بەشێوەیەكی زانستیش رێگاچارەسەرییەكان بۆ نەهێشتنی قەبزی لەمرۆڤدا ئاشكرادەكات و دەڵێت: وەرزشكردن و جوڵە هۆكارێكی باشی چارەسەرن.

هۆشیار عەبدول كەریم شارەزای بواری دەرمانی گیایی بەSNNی ڕاگەیاند:یەكێك لەهۆكارە بەهێزەكانی قەڵەوی قەبزییە، كاتێك خۆراكی هەرسكراو لەڕیخۆڵەكاندا زۆردەمێنێتەوەو تەمەڵی ڕیخۆڵە ناتوانێت پاڵی پێوەنێت، هەتا خۆراكیش لەڕیخۆڵەكاندا بمێنێتەوە، مەمیلەكانی ڕیخۆڵە بەردەوام سودەكانی هەڵدەمژن، لەئەنجامی دەرنەچوونی لە لەشدا دەبێتە قەبزی.

ئاماژەی بەوەشكرد، قەبزی چەندین هۆكاری هەیە وەكو خواردنی ئاوی سارد بەسكی خاڵی، زۆرخواردنی خۆراكە قەبزكەرەكان وەك برنج و پاقلەمەنیەكان، كۆڵۆن، نەجوڵان و وەرزش نەكردن، تەمەڵبونی ڕیخۆڵەو دەزگای هەرس، زۆرخواردنی ئاو لەگەڵ ژەمەكاندا، هەروەها خواردنی نانی سپی.

سەبارەت بەچارەسەرەكانیش ئەوەشی خستەڕوو، خواردنی ئاوی شلەتێن، خواردنی نانی بۆرو جۆ، خواردنی شلەمەنی زیاتر و  بەكارهێنانی دەرمانی گیایی وەك(ڕازیانە، سینەمەكی، چای سوڵتان یان هەرشتێك ڕیخۆڵە تەڕكاتەوە)، لەگەڵ ئەمانەش وەرزشكردن و جوڵە هۆكارێكی باشی چارەسەرن.

مانگ پێشتر - Aug 19 2019 4:59PM
7514
بابه‌تی زیاتر