ژینگه
ژینگه
گەورەترین کۆگای ئاوی سازگار لەسەر زەوی دۆزرایەوە
SNN: 

توێژەران رایانگەیاندوە کەگەورەترین کۆگای ئاوی سازگاریان لەسەر زەویی دۆزیوەتەوە کەدەکەوێتە ژێر ئۆقیانوسی ئەتلەنتیکەوە لەبەرامبەر کەناراوی نیوجێرسی و پێشیان وایە ئەم حەوزە ببێتە باشترین یەدەک بۆ ئایندە و ئەگەرەکانی کەمبونەوەی ئاوی سازگار لەسەر زەویی. 
بەپێی زانیارییەکانی Nzherald و پێشبینییە زانستییەکان ئەو ئاوە سازگارە بەشی پڕکردنی ملیارێک حەوزی مەلەکردن دەکات. 
توێژەران دەڵێن ئەم حەوزە گەورەترینە لەسەر ھەسارەکەمان و لەئێستاشدا ٢٨٠٠ کیلۆمەتر سێجایە و زۆربەی ئاوی سازگارە. 
زانایان دەڵێن ئاوی نێو ئەم شوێنە دەبێتە چارەسەرێک بۆ ئایندەی قەیرانی ئاو، بەتایبەت کەدانیشتوانی جیھان بەردەوام لەزیادبوندان و تا ساڵی ٢٠٥٠ رەنگە بگاتە ٩.٧ ملیار کەس. 
ئەم کۆگایەی ئاو لەلایەن توێژەرانی زانکۆی کۆڵۆمبیا لەنیویۆرک و پەیمانگەی وودز ھول بۆ توێژینەوەی ئۆقیانوسەکان دۆزراوەتەوە  لەکاتی ھەڵمەتێکی گەڕاندا لەنزیک کەناراوی باکوری خۆرھەڵاتی ئەمریکا.

3 مانگ پێشتر - Jun 29 2019 6:54PM
2844
بابه‌تی زیاتر