هەواڵ
وردەكاری كۆبونەوەكەی دارایی ئاشكراكرا.. موچەی 2 مانگ بەمشێوەیە دەدرێت
وەزیری دارایی و ئابوری حكومەتی هەرێم لەگەڵ بەڕێوەبەری گەنجینەكان كۆدەبێتەوەو بڕیاردەدات لەمانگی 2 و 3ی ئەمساڵ، موچەی دوو مانگی ساڵی ڕابردوو دابەشبكرێت، بۆ گۆڕانكاریكردنیش لەسیستمی موچە، چاوەڕوانی دوا بڕیاری بەغدا دەكات، لەسبەینێشەوە وەرگرتنی پێشینەی فەرمانگەكان دەستپێدەكاتەوە.

ئەمڕۆ 21ی 1ی 2019، بەڕێوەبەری گەنجینەكانی هەرێم، لەگەڵ ڕێباز حەملان وەزیری دارایی كۆبونەوە.

بەگوێرەی ئەو زانیاریانەی لەناو كۆبونەوەكەوە بە SNN دراون، وەزیری دارایی ڕایسپاردوون بەهەمانشێوەی مانگەكانی پێشوو، لیستی موچەی مانگی 11ی ساڵی 2018 ئامادەبكەن و لەمانگی 2ی ئەمساڵ دابەشدەكرێت، موچەی مانگی 12ش لەمانگی 3 دەدرێتە فەرمانبەران و جەختیشیكردۆتەوە، هیچ گۆڕانكارییەكی تێدا ناكرێت.

هەر بەگوێرەی زانیارییەكان، لەكۆبوونەوەكەدا باس لەوەكراوە لابردنی پاشەكەوت و ڕێككردنەوەی موچەی فەرمانبەران پەیوەستە بەناردنی بودجە لەبەغداوە، ئەگەر حكومەتی عیراق پارە ڕەوانە بكات و ڕێكەوتن لەگەڵ هەرێم بكرێت، گۆڕانكاری لەشێوازی دابەشكردنی موچەدا لەبەرژەوەندی فەرمانبەران دەكرێت، بەڵام ئەگەر پارە لە بەغداوە نەنێردرێت،  شێوازێكی دیكە بەخۆوە دەبینێت و میكانیزمێكی بۆ دیاریدەكرێت.

سەبارەت بەپێشینەی فەرمانگەو بەڕێوەبەرایەتیەكانی حكومەت، ئاشكراكراوە كە لەسبەینێ-ەوە، بەهەمانشێوەی ساڵی ڕابردوو دەست بەپێدانی پێشینەی فەرمانگەكان دەكرێتەوەو دەتوانن سەردانی بانكەكان بكەن بۆ وەرگرتنی پێشینەكانیان.

لەكۆتایی كۆبونەوەكەشدا، ڕێباز حەملان بەبەڕێوەبەری گەنجینەكانی ڕاگەیاندوە، نابێت هەواڵی دابەشكردنی موچە بدرێتە ڕاگەیاندنەكان و هەر بەڕێوەبەرێكی گەنجینەش زانیاری لەوبارەیەوە بخاتەڕوو، ڕێكاری پێویستی بەرامبەر دەگیرێتەبەر.


SNN:

ڕەنج تاڵیب

  7 مانگ پێشتر - Jan 21 2019 7:06PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.