هەواڵ
ئاسایش دانپێدانانی تاوانبارێك بڵاودەكاتەوە
بەڕێوەبەرایەتی ئاسایشی هەولێر، دانپێدانانی تاوانبارێك بڵاودەكاتەوە، كە بەهۆی دەستدرێژیكردنە سەر ژنێكی بیانی دەستگیركراوە.

بەگوێرەی راگەیەندراوێكی بەڕێوەبەرایەتیی ئاسایشی هەولێر، كە وێنەیەكی دەست SNN كەوتووە، لەسەر سكاڵای هاووڵاتیەك، هێزەكانیان توانیوانە هاوڵاتییەك بەتۆمەتی دەستدرێژیكردنە سەر ژنێكی بیانی دەستگیر بكەن.

لە راگەیاندراوەكەدا هاتووە،  كاتژمێر 12, 55 خولەكی شەوی 1ی 4ی 2019، ژنێكی هەڵگری رەگەزنامەی بیانی، تەكسییەك رادەگرێت بۆ ئەوەی بیگەنێتە شارۆچكەی عەنكاوە، بەڵام شۆفێری تاكسییەكە بە ناوی (فاخر حەمد حیدر)ی تەمەن ٤٨ساڵ، بەپێی دانپێدانانی خۆی، سەرنشینەكەی دەباتە چۆڵەوانییەكی سنووری قەزای بنەسڵاوە، بە چەقۆ هێرشی دەكاتەسەرو هەڕەشەی كوشتنی لێدەكات، لەژێر گوشاردا دەستدرێژیی سێكسی دەكاتە سەر ژنەكەو پاشان لەو چۆڵەوانییە بەجێی دەهێڵێت.

ئاسایشی هەولێر ئاشكراشیكردووە، تۆمەتبارە دەستگیركراوەكە، پێشینەی لە دەستدرێژیكردنە سەر ژنان هەیەو ساڵی ٢٠١٧ بەهەمانشێوە دەستدرێژی كردبووە سەر ژنێكی عەرەب، بەو هۆیەوە سزا یاساییەكەی بەندكردن بووە و دواتر ئازاد بووە.


SNN:

بەشی هەواڵ

  3 مانگ پێشتر - Apr 20 2019 5:42PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.