هەواڵ
شێوازی دابەشكردنی موچە دەگۆڕێت
پرسی تۆماركردنی سكاڵای فەرمانبەران لەدژی حكومەتی هەرێم بەهۆی دابەشنەكردنی دوو موچەی ئەمساڵ كە لەلایەن بەغداوە رەوانەكراوە، كاردانەوەی لێدەكەوێتەوەو ئەندامێكی ئەنجومەنی نوێنەرانیش رایدەگەیەنێت: شێوازی دابەشكردنی موچە دەگۆڕێت و حكومەتی عیراقیش دەتوانێت ناردنی موچەی فەرمانبەرانی هەرێم رابگرێت، تا چارەنووسی موچە نەدراوەكان ئاشكرا دەكرێت.

جەمال كۆچەر، ئەندامی ئەنجومەنی نوێنەرانی عیراق، بە SNNی راگەیاند: نازانم تۆماركردنی سكاڵا لەلایەن موچەخۆرانی هەرێمەوە لە بەغدا بۆ پێنەدانی دوو موچەی ئەمساڵ چ كاریگەرییەكی دەبێت، بەڵام حكومەتی عیراق دەتوانێت فشار لەهەرێم بكات و ناردنی پارەكەش رابگرێت، تا بزانێت ئەو پارەی ناردوویەتی چۆن خەرجكراوە.

وتیشی: ساڵی 2017 لەسەر موچەی فەرمانبەرانی هەرێمەوە، چەند پەرلەمانتارێك سكاڵامان لە دادگای فیدراڵی تۆماركرد، بەڵام دوای دوو مانگ وەڵامیان داینەوە كە ئەوە ئیشی ئەوان نییەو ناتوانن هیچ شتێك بكەن.

جەمال كۆچەر پێشنیازێكی ئاراستەی فەرمانبەرانی هەرێم كردو وتی: پێویستە داوا بكەن موچەكانیان بكرێت بە كارتی زیرەك، ئەوە بەشێكە لە یاسای بودجەی ساڵی ٢٠١٩ دەبێت دابەشكردنی موچە ببێت بە كارتی زیرەك و بڕیاریشە تا ساڵی ٢٠٢٣ موچەی هەموو عیراق لە رێگای كارتی زیرەكەوە دابەشبكرێت.


SNN:

هەورامان هاشم

 3 هەفتە پێشتر - May 26 2019 5:07PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.