هەواڵ
ژنێكی بەساڵاچوو خۆی سوتاند
بەڕێوەبەرایەتی پۆلیسی ڕاپەڕین، گیانلەدەستدانی ژنێكی بەساڵاچووی راگەیاندو ئاشكرایدەكات، ژنەكە خۆی سوتاندووەو باری دەروونیشی ناجێگیر بووە.

 بەگوێرەی راگەیاندراوێكی بەڕێوەبەرایەتی پۆلیسی ڕاپەڕین، كە لە پەیجی فەرمی بەڕێوەبەرایەتییەكە بڵاوكراوەتەوە، ئێوارەی ئەمڕۆ 26ی 5ی 2019، تەرمی ژنێكی تەمەن 85 ساڵ، كە دانیشتووی شارۆچكەی قەڵادزێیە، لەلایەن مەفرەزەكانی فریاكەوتنی پشدەر، گەیەندرایە نەخۆشخانەی گشتی قەڵادزێ.

لە راگەیاندراوەكەدا هاتووە: ئەو ژنە لە ماڵی خۆیاندا نەوتی كردووە بە جەستەی خۆیداو خۆی سوتاندووە، بە وتەی كەسوكاریشی، باری دەروونی ناجێگیر بووە.

ئاماژە بەوەشكراوە، دەستبەجێ تیمی لێكۆڵینەوەی بەڵگەوتاوانی پشدەر، چوونە شوێنی مەبەست بۆ كەشفكردن و هۆكاری ڕاستەقینەی ڕووداوەكە، دۆسێی لێكۆڵینەوەش بۆ ڕووداوەكە كراوەتەوە.


SNN:

بەشی هەواڵ

 3 هەفتە پێشتر - May 26 2019 5:16PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.