هەواڵ
خشتەیەكی نوێی دەوامكردن دادەنرێت.. فەرمانبەران ئاگاداردەكرێنەوە
بەڕێوەبەرایەتی پەروەردەو سەرۆكایەتی شارەوانی سلێمانی، لە سبەینێوە دەوامی فەرمانبەرانیان زیاد دەكەن و بەرپرسێكی پەروەردەش ئاشكرایدەكات، "بڕیارەكە لەئەنجومەنی وەزیرانەوە دەرچووەو ئێمەش بەهەمانشێوەی دامودەزگاكانی دیكە، پابەند دەبین".

عومەر ئەمین، جێگری بەڕێوەبەری گشتی پەروەردەی سلێمانی، بە SNNی ڕاگەیاند: لەسبەینێ 10ی 6ی 2019ەوە بڕیارەكەی ئەنجومەنی وەزیرانی هەرێم تایبەت بەزیادكردنی دەوامی فەرمانبەران، دەخرێتەبواری جێبەجێكردنەوە.

وتیشی:" بڕیارەكە لەدەسەڵاتی ئێمە نییەو بەهەمانشێوەی دامودەزگاكانی دیكە، بڕیارەكە جێبەجێدەكەین و فەرمانبەرانیش ئاگاداركراونەتەوە".

ئاماژەی بەچاودێریكردنی بڕیاری زیادكردنی دەوامی فەرمانبەران كردو ئاشكرایكرد: لیژنەیەك لەئەنجومەنی وەزیران و وەزارەتی پەروەردەوە، بەدواداچوون دەكات و لەدەسەڵاتی ئێمە نامێنێت كە لەڕووی دەوامكردنەوە هاوكاری فەرمانبەران بكەین.

لەلایەكی دیكەوە، سەڕۆكایە‌تی شارە‌‌وانی سلێمانی، لە ئاگادارییەكدا كە لە پەیجی فەرمی خۆی بڵاویكردۆتەوە، ئاگاداری سە‌رجە‌م فە‌رمانبە‌رانی بە‌ڕێوبە‌رێتییە‌كان و بە‌شە‌كانی سە‌ر بەشارە‌وانی كردۆتەوە، كە بە‌پێی فە‌رمانی پارێزگاری سلێمانی، دە‌وامی فەرمانگەكە لە‌ كاتژمیر 8:30ی بەیانی بۆ 2:30ی پاشنیوە‌ڕۆ دەبێت،‌ جگە‌ لە‌ رۆژانی پێنجشە‌ممە، كە دەوامی فەرمی‌ تا كاتژمێر 1:30ی پاشنیوەڕۆ دەبێت.

شارەوانی سلێمانی هۆشداری ئەوەشیداوە هە‌ر فە‌رمانبە‌رێك پابە‌ند نە‌بێت بە‌ كاتی دە‌وامە‌وە،‌ تووشی لێپێچینە‌وە‌ی یاسایی دە‌بێت.

بەگوێرەی بڕیارەكەی ئەنجومەنی وەزیران، دەوامی فەرمانبەران لەكاتژمێر هەشتی بەیانییەوە تاوەكو 2:45 ی پاشنیوەڕۆ دەبێت.


SNN:

ڕەنج تاڵیب

 2 هەفتە پێشتر - Jun 9 2019 6:40PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.