هەواڵ
ناردنی موچەی فەرمانبەران بۆ ئەم مانگە لەبەغداوە دوادەکەوێت
خەرجکردنی موچەی ئەم مانگەی فەرمانبەران لەبەغداوە دوادەکەوێت، بەڕێوەبەری لقی ھەولێری بانکی ناوەندی عیراقیش رایدەگەیەنێت: رەنگە رۆژی شەممەی داھاتوو فەرمانی خەرجکردنی پارەکە بدرێت.

عابد ساڵح بەڕێوەبەری لقی ھەولێری بانکی ناوەندی عیراق بەSNNی راگەیاند:تائێستا ھیچ فەرمانێکمان لەبارەی خەرجکردنی موچەی مانگی (٦)ی فەرمانبەران بەدەستنەگەیشتووە.

وتیشی:"چاوەڕێی بانکی ناوەندی عیراق دەکەین ئاگادارمان بکاتەوە کە تەمویلی موچەی فەرمانبەران کراوە، بۆئەوەی راستەوخۆ پارەکە بخەینەسەر حسابی وەزارەتی دارایی".

راشیگەیاند: پێموانییە سبەینێی ١٣ی ٦ی ٢٠١٩ فەرمانی خەرجکردنی موچەی فەرمانبەران بدرێت، رەنگە بکەوێتە شەممەی داھاتوو.

مانگی رابردوو، لەڕۆژی ١٤ی ٥ی ٢٠١٩، فەرمانی خەرجکردنی موچەی فەرمانبەران گەیشتۆتە بانکی ناوەندی عیراق لەھەولێرو رۆژی ١٥ی ٥ی ٢٠١٩یش پارەکە خراوەتەسەر حسابی وەزارەتی دارایی و ئابووری حکومەتی ھەرێم، بەڵام ئەم مانگە بەھۆی ئەوەی ١٤ی مانگ دەکەوێتە ھەینی، بۆیە ناردنی پارەکەی بەغدا دوادەکەوێت.


SNN:

شاھۆ خوارەحم

  2 مانگ پێشتر - Jun 12 2019 8:05PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.