هەواڵ
وەزیری دارایی فەرمانی خەرجكردنی ئەم دەرماڵەیە دەردەكات
وەزیری دارایی و ئابووری، رەزامەندی لەسەر خەرجكردنی دەرماڵەیەك بۆ فەرمانبەرانی باخچەكان دەدات و جێگری بەڕێوەبەری باخچەكانی سلێمانییش رایدەگەیەنێت: دەرماڵەكە لەڕۆژی 1ی 1ی 2019وە خەرجدەكرێت.

فایزەخانی میرزا، جێگری بەڕێوەبەری باخچەكانی سلێمانی، بە SNNی راگەیاند: وابڕیاربوو لەم مانگەوە دەرماڵەی فەرمانبەرانی باخچەكان كە رێژەكەی 30%ی موچەی بنەڕەتییە ببڕدرێت، بەڵام لەگەڵ قوباد تاڵەبانی جێگری سەرۆكی حكومەت قسەمان كردو پێیڕاگەیاندین بەدواداچوونی بۆ دەكات، دواتر سەردانی رێباز حەملان وەزیری دارایی و ئابووری حكومەتی هەرێممان كردو ئەویش رەزامەندی پیشاندا لەسەر خەرجكردنەوەی ئەو دەرماڵەیە.

وتیشی: "بەپێی ئەو نوسراوەی كرابوو، دەبوایە لەڕۆژی 1ی 6ی 2019ەوە دەرماڵەكە خەرجبكرایە، بۆیە رۆژی 16ی 6ی 2019 سەردانی وەزیری داراییمان كردو بەرواری نوسراوەكەی گۆڕی كە لەڕۆژی 1ی 1ی 2019ەوە دەرماڵەكە خەرجدەكرێت".

راشیگەیاند: بەپێی رێنماییەكەی دارایی ئەوانەی بەفعلی لەباخدا كاردەكەن ئەو دەرماڵەیەیان بۆ دەبەسترێت، بەڵام ئەوانەی لەئۆفیس كاری كارگێڕی دەكەن، تەنانەت ئەگەر ئەندازیاریش بن، بۆیان خەرجناكرێت.


SNN:

شاهۆ خوارەحم

 مانگ پێشتر - Jun 17 2019 3:39PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.