هەواڵ
وەزیری پەروەردە بڕیار لەبارەی مامۆستایانەوە دەدات
بەرێوەبەرایەتی گشتی پەروەردەی سلێمانی رونكردنەوە لەبارەی داواكاری ژمارەیەك لەمامۆستایان بۆ هەڵوەشانەوەی مۆڵەتە بێ موچەكانیان دەدات و بەرپرسێكی پەروەردەش ڕایدەگەیەنێت"هەڵوەشانەوەی مۆڵەتی دایكایەتی لەدەسەڵاتی پەروەردەكانە" و دەشڵێت: وەزیری پەروەردەی هەرێم بڕیار لەبارەی هەڵوەشانەوەی مۆڵەتی بێ موچە بۆ ئەو مامۆستایانە دەدات كە داوای هەڵوەشانەوەی مۆڵەتەكە دەكەن.

عومەر محەمەد جێگری بەرێوەبەری گشتی لەبەرێوەبەرایەتی پەروەردەی سلێمانی بەSNNی ڕاگەیاند: ئەو مامۆستایانەی داوای هەڵوەشانەوەی مۆڵەتیان كردووە ئەگەر مۆڵەتی دایكایەتی بێت لەبەرێوەبەرایەتی پەروەردەكانەوە دەتوانرێت مۆڵەتەكەیان بۆ هەڵبوەشێنێتەوە كە بۆ ئەو مەبەستە لە مانگی هەشتی ئەمساڵەوە دەتوانن داواكاری پێشكەش بكەن.

رونیشیكردەوە، هەرچی ئەو مامۆستایانەشی كە داوای هەڵوەشانەوەی مۆڵەتی بێ موچە دەكەن داواكارییەكە پێشكەشدەكەن و دواتر دەخرێتە بەردەمی وەزیری پەروەردەی حكومەتی هەرێم، ئەگەر رەزامەندی لەسەر داواكەیان درا ئەو مۆڵەتەكەیان هەڵدەوەشێتەوە لە1ی9ی 2019ەوە پەیوەندییان بۆ دەبەسترێت و دەستبەكاردەبنەوە.

جێگری بەرێوەبەری گشتی پەروەردەی سلێمانی، باسی لەوەشكرد ئەگەر مۆڵەتی بێ موچە داواكاری بۆ هەڵوەشاندەوەی بكرێت دەبێت لە مانگی هەشتی ئەمساڵەوە بەهەمان شێوە داواكاری پێشكەش بكەن، بۆئەوەی ئەگەر رەزامەندی درا بۆ ساڵی نوێی خوێندن ئەوانیش دەست بەكارببن. 


SNN:

سامان بەختیار

 مانگ پێشتر - Jun 18 2019 11:21PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.