هەواڵ
کورد سەرکەوتن بەدەستدەھێنێت.. پەیامێکی توند بەلایەنەکان دەدرێت
بەرپرسێکی یەکێتی ڕونکردنەوە لەبارەی داوایەکی پێکھاتەی تورکمان بۆ ھەڵبژاردنی ئەنجومەنی پارێزگای کەرکوک لەگەڵ پارێزگاکانی دیکەی عیراق دەدات، ڕاشیدەگەیەنێت، "ئەو پێکھاتانە ترسیان لەھەڵبژاردنی داھاتوو"، دەشڵێت:"چاوەڕواندەکرێت کورد لەھەڵبژاردنی داھاتودا سەرکەوتن لەشارەکە بەدەستبھێنێت".

شەمسەدین مەحمود بەرپرسی بەشی ھەڵبژاردن لەمەڵبەندی کەرکوکی یەکێتی بەSNNی ڕاگەیاند، "تورکمانەکان کە داوای دورخستنەوەی نوێنەرانی کوردیان لەئەنجومەنی کۆمسیۆنی ھەڵبژاردنی کەرکوک کردوە جۆرێکە لەبەھانە".

وتیشی:"ئەو داوایەیان ئاراستەی کۆمسیۆنی باڵای سەربەخۆیی ھەڵبژاردنەکانی عیراق کردوە، بەڵام بەتوندی داواکەیان ڕەتکراوەتەوەو سوربون لەسەرئەوەی دەبێت نوێنەرانی کورد لەئەنجومەنی کۆمسیۆنی کەرکوک بمێننەوە".

ڕونیشیکردەوە، "ئەو لایەنەی ئەو داوایە دەکەن ترسیان لەھەڵبژاردنەکانی داھاتوی ئەنجومەنی پارێزگای کەرکوک ھەیە کە کورد سەرکەوتنی بەرچاو بەدەستدەھێنێت، بۆیە دەیانەوێت بەھانە بدۆزنەوەو پێشتریش تانەیان لەھەڵبژاردنی ئەنجومەنی نوێنەراندا، بەڵام کاتێک دادوەرەکان سەردانی شارەکەیان کردوەو دوبارە پێداچونەوەیان بەدەنگەکاندا کرد دەرکەوت پرۆسەکە سەرکەوتوو بوەو ھیچ گرفتێکی نەبوە".

ئاشکراشیکرد، "لەئێستادا بەچەند بیانویەک دەیانەوێت ھەڵبژاردنی ئەنجومەنی پارێزگای کەرکوک دوابخەن، بەڵام لەبەغداوە جەختدەکرێتەوە کەدەبێت پرۆسەکە لەکەرکوکیش ھاوشێوەی پارێزگاکانی دیکە لەکاتی خۆیدا بەڕێوەبچێت و دوانەخرێت".


SNN:

سامان بەختیار

 3 هەفتە پێشتر - Jun 21 2019 4:56PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.