هەواڵ
بڕە پارەیەك بەسەر ئەم توێژەدا دابەشدەكرێت
بەڕێوەبەرایەتی گشتی كاروباری شەهیدان و ئەنفالكراوانی سلێمانی قۆناغی دوانزەهەمی هاوكاری تەندروستی بەسەر كەسوكاری سەربەرزی شەهیدان دابەشدەكات.

بەگوێرەی راگەیەنراوێكی بەڕێوەبەرایەتی گشتی كاروباری شەهیدان و ئەنفالكراوانی سلێمانی، كە وێنەیەكی دەست SNN كەوتووە، ئەمڕۆ 26ی 6ی 2019 دەست بەدابەشكردنی هاوكارییەكە كراوە، كە كەسوكاری پلەیەكی شەهیدانی سەنگەر (دایك، باوك، هاوسەر، كچ، كوڕ) و بەركەوتووانی چەكی كیمیاوی دەگرێتەوە.

دكتۆر ڕێبوار محەمەد میرزا بەڕێوەبەری بەشی تەندروستی دەڵێت: "دەستكراوە بەداشكردنی بڕی 55 ملیۆن دینار بەسەر 55 نەخۆشی كەسوكاری شەهیدان، كە لەنەخۆشخانە جیاوازەكاندا زیاتر لە هەشت جۆری جیاواز نەشتەگەر بۆ نەخۆشی كەسوكاری سەربەرزی شەهیدان كراوە".

بەپێی پسوڵەی فەرمی و لیژنەی پزیشكی بۆ نەخۆشییەكانی (شێرپەنجە، نەشتەرگەری گەورە وەكو بڕبڕەی پشت، ئەژنۆ، گورچیلە، گەدە، پەنكریاس و هاوشێوەكانی، نەشتەرگەری مام ناوەندەكان وەكو چاو، قوڕگ و لووت وگوێ، ریخۆڵەكوێرە و هاوشێوەكانی) سەرفدەكرێت.

هەر لەڕاگەیەنراوەكەدا هاتووە، هاوكارییەكە لەچوارچێوەی ئەو 2 ملیار دینارەدایە كە لەساڵی 2018 دا بەفەرمانی قوباد تاڵەبانی جێگری سەرۆكی حكومەتی هەرێم بۆ نەخۆشانی كەسوكاری شەهیدان تەرخانكراو رۆژی 12 ی ئەم مانگە وەجبەی دەیەمی ئەو هاوكارییە بەسەر كەسوكاری سەربەرزی شەهیدان دابەشكرا.


SNN:

بەشی هەواڵ

 3 هەفتە پێشتر - Jun 26 2019 6:54PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.