هەواڵ
ژمارەیەك لە ئۆرگانەكانی یەكێتی پێویستی ئەنجامدانی كۆنگرە دووپاتدەكەنەوە
ئەنجومەنی ناوەندی دەرەوە یەكێتی، بە ئامادەبوونی ژمارەیەك لە ئەندامانی مەكتەبی سیاسی و سەركردایەتی لەگەڵ ژمارەیەك لە ئۆرگانەكانی یەكێتی كۆدەبێتەوە و تێیدا پێویستی ئەنجامدانی كۆنگرەی چوارەمی یەكێتی و پەرەپێدان بە پەیوەندییەكانی نێوان ئەو ئۆرگانانە دووپاتدەكەنەوە.

كۆبوونەوەكانی ئەنجومەنی ناوەندی دەرەوەی یەكێتیی نیشتمانیی كوردستان بۆ رۆژی دووەم، بەسەرپەرشتی خاتوو شاناز برایم ئەحمەد لێپرسراوی ناوەندی دەرەوە، لەژێر دروشمی"بەخۆداچونەوەو نوێبوونەوە، ئامڕازی بەرەوپێشچونە" لە هۆڵی خاك لە شاری سلێمانی بەردەوامی هەیە.

بەگوێرەی زانیارییەكان، لە كۆبونەوەكەی ئەمڕۆ26-6-2019ی ئەنجومەنی ناوەندی دەرەوەدا، هەریەك لە مەلا بەختیار لێپرسراوی دەستەی كارگێڕی مەكتەبی سیاسی و مەحمود سەنگاوی ئەندامی مەكتەبی سیاسی و هەڵۆ پێنجوێنی و ڕابەر سەید برایم ئەندامانی ئەنجومەنی سەركردایەتیی یەكێتیی و زوبێر عوسمان جێگری یەكەمی سكرتێری ئەنجومەنی ناوەندی و تەحسین نامیق لێپرسراوی پەیوەندیەكانی دەرەوە و هاوار حاجی جێگری لێپرسراوی ناوەندی دەرەوە، ئامادەبوون، بە بەشداری ئەنجومەنی ناوەندی و ئۆرگانەكانی پەیوەندیەكان و پێشمەرگە دێرینەكان و كۆمەڵەی رێكخستنە دێرینەكانی یەكێتی.

لە كۆبونەوەكەدا، ئامادەبووان تێڕوانین و سەرنجی خۆیان لەسەر تەوەرەكانی كۆبوونەوەكە دەربڕیوە، دواتریش ئەندامە ئامادەبووەكانی سەركردایەتی و جێگری سكرتێری ئەنجومەنی ناوەندی و لێپرسراوی پەیوەندیەكانی دەرەوە، لەپێناو باشتر بەرێوەچوونی كارەكان و ئەنجامدانی كۆمەڵێك گۆڕانكاری و دانانی بەرنامە و ئەجێندای نوێی كاركردن لە داهاتوودا، لەسەر ناوەڕۆكی تەوەرەكانی كۆبونەوەكە گفتوگۆ و بیروڕا ئاڵۆگۆڕكراوە و ئامادەی خۆیان بۆ دروستكردنی هەماهەنگی لەگەڵ ئەنجومەنی ناوەندی دەرەوە دەربڕیوە.

هەر لەمیانەی كۆبونەوەكەدا، هەریەك لە مەلا بەختیار لێپرسراوی دەستەی كارگێڕی مەكتەبی سیاسی و مەحمود سەنگاوی ئەندامی مەكتەبی سیاسی یەكێتیی، بەجیا خوێندنەوە و شیكارییەكی ووردیان لەسەر دۆخی كوردستان بەگشتی و یەكێتیی و پەیوەندییەكانی نێوان یەكێتیی و هێزە سیاسییەكان بەتایبەت بۆ بەشداربووان خستەڕو و پێویستی هاریكاری و بەهێزكردنی پەیوەندی نێوان ئەو ئۆرگانانە و ئەنجومەنی ناوەندی دەرەوەیان رونكردەوە.

هەر بەگوێرەی زانیارییەكان، جگەلە خستنەڕو و خوێندنەوە بۆ پلان و ئەركی ئۆرگانە جیاجیاكانی یەكێتیی، هاوكات پێویستی ئەنجامدانی كۆنگرەی چوارەمی یەكێتیی لەلایەن گشت بەشداربووانی كۆبونەوەكە دووپاتكراوەتەوە، جەخت لە گرنگی كاركردن بۆ لێكتێگەیشتن و هەماهەنگی زیاتر لە نێوان ئەنجومەنی ناوەندی دەرەوە و ئەو ئۆرگانانە كراوەتەوە.


SNN:

بەشی هەواڵ

 3 هەفتە پێشتر - Jun 26 2019 8:32PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.