هەواڵ
وەزارەتی پەروەردە بڕیارێك لەبارەی مامۆستایانەوە دەدات
بەرێوەبەرایەتی پەروەردەی سلێمانی رونكردنەوە لەبارەی هەڵوەشانەوەی مۆڵەتی بێ موچە بۆ مامۆستایان دەدات و بەرپرسێكی پەروەردەكەش رایدەگەیەنێت: هەڵوەشانەوەی مۆڵەتی بێ موچە لەدەسەڵاتی وەزارەتی پەروەردەیەو بڕیاری كۆتایی لەبارەیەوە دەدات.

عومەر محەمەد، یاریدەدەری بەڕێوەبەری گشتی پەروەردەی سلێمانی، بە SNNی ڕاگەیاند: ئەو مامۆستایانەی پێشتر مۆڵەتی بێ موچەیان وەرگرتووە، بەلێننامەیان پركردۆتەوەو كاتێك داوای هەڵوەشانەوەی مۆڵەتەكە دەكەن، دەبێ لەلایەن وەزارەتی پەروەردەوە بڕیاری لەبارەوە بدرێت.

وتیشی: بەڵام هەڵوەشانەوەی مۆڵەتی دایكایەتی لەدەسەڵاتی بەرێوەبەرایەتی پەروەردەكانەو ئەگەر مامۆستاكە داواكاری پێشكەش بكات بۆ گەڕانەوەی بۆ دەوام، لەلایەن بەرێوەبەرایەتی پەروەردەكانەوە مۆڵەتەكەی هەڵدەوەشێتەوە.

یاریدەدەری بەڕێوەبەری گشتی پەروەردەی سلێمانی، باسی لەوەشكرد هەر مامۆستایەك داواكاری پێشكەش بكات بۆ وەرگرتنی مۆڵەتی بێ موچە، دەتوانێت داواكارییەكە لەئێستاوە بۆ ساڵی خوێندنی 2019-2020 پێشكەش بكات، لەكاتێكدا ئەگەر خوازیاربێت مۆڵەتی بێ موچە وەربگرێت.


SNN:

سامان بەختیار

 مانگ پێشتر - Jul 23 2019 10:08PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.