هەواڵ
مەرجی گەڕانەوەی پشووی شەممە بۆ پەروەردە راگەیەنرا
روونكردنەوە لەسەر گەڕانەوەی پشووی رۆژانی شەممە دەدەرێت و سەرۆكی یەكێتی مامۆستایانیش رایدەگەیەنێت: بۆ گەڕانەوەی ئەو پشووە، دەبێت یاسای وەزارەتی پەروەردە هەموار بكرێتەوەو ناوەندەكانی خوێندنیش بكرێن بەیەك دەوامی.

عەبدولواحید محەمەد، سەرۆكی یەكێتی مامۆستایانی كوردستان بە SNNی راگەیاند: پشووی رۆژانی شەممە لەناوەندەكانی خوێندن لەكاتێكدا بوو كە پاشەكەوتی موچە هەبوو، كۆمەڵێك ئاستەنگ لەبەردەم مامۆستایاندا هەبوو، ئەوكاتە هەموو لایەك پێداگریمان لەسەر ئەو پشووە كردەوەو لەگەڵ ئەوەی لەیاساشدا نەبوو چاوپۆشی لێكرا.

وتیشی: "بۆ گەڕانەوەی پشووی شەممە، پێویستە دوو هەنگاو بگیرێتەبەر، یەكەم یاسای وەزارەتی پەروەردە هەموار بكرێتەوەو تێیدا ئاماژە بەوە بكرێت كە رۆژانی شەممە لەناوەندەكانی خوێندن دەوام نەكرێت، هەنگاوی دووەمیش پێویستە ناوەندەكانی خوێندن یەكەم دەوامی بێت، بۆئەوەی ئەو وانانەی لەڕۆژانی شەممەدا هەڵدەگیرێت، بخرێتەسەر رۆژانی دیكەو كاریگەری نەبێت".

سەرۆكی یەكێتی مامۆستایان راشیگەیاند: یەكێك لەكێشەكان ئەوەیە كە لەئێستادا زۆربەی خوێندنگەكان پتر لە دەوامێكیان تێدایە، بەو هۆیەشەوە ناتوانرێت بەپێنج رۆژ پرۆگرام تەواو بكرێت.


SNN:

شاهۆ خوارەحم

 مانگ پێشتر - Aug 17 2019 7:09PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.