هەواڵ
سێ كەس بەتۆمەتی ڕفاندنی كچێك دەستگیركران
لەشاری سلێمانی، 3 كەس بە تۆمەتی رفاندنی كچێك دەستگیر دەكرێن و پۆلیسی شارەكەش كچە رفێندراوەكە ئازاد دەكات.

بەگوێرەی راگەیاندراوێكی بەڕێوەبەرایەتی پۆلیسی پارێزگاری سلێمانی، كە وێنەیەكی دەست SNN كەوتووە، مەفرەزەكانی بنكەی پۆلیسی ئازادی لەسەر سكاڵای هاوڵاتییەك، سێ كەسیان بە تۆمەتی رفاندنی كچێك دەستگیركرد.

لە راگەیاندراوەكەدا هاتووە، پاش تۆماركردنی سكاڵای یاسایی لەلایەن هاوڵاتییەكەوە كە كچەكەی ڕفێنراوە، هێزەكانی پۆلیس لێكۆڵینەوەكانیان دەستپێكردو زانیاریی پێویستیان لەسەر تۆمەتباران كۆكردەوە، لەماوەیەكی كەمدا توانرا دوو تۆمەتبار بەناوەكانی (د، ك، م) و (م، غ، م) دەستگیربكرێن، دواتر توانرا تۆمەتباری سەرەكی بەناوی (ن، ك، ق) دەستگیر بكرێت، كە لەكاتی دەستگیركردنیدا كچەكەشی لەگەڵدا بووە.

پۆلیسی سلێمانی ئاماژەی بەوەشكردووە، لەئێستادا هەرسێ تۆمەتبار بەبڕیاری دادوەرو بەپێی ماددەی ٤٢١ ڕاگیراون و لێكۆڵینەوەكان بەردەوامن.


SNN:

بەشی هەواڵ

 مانگ پێشتر - Aug 24 2019 5:32PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.