هەواڵ
دوا ئاماری كوژراوو بریندارەكانی داقوق بڵاوكرایەوە
دوا ئاماری پەلامارە تیرۆرستییەكەی شەوی ڕابردووی گوندێكی سەر بە قەزای داقوق ئاشكرادەكرێت و بەرپرسێكی یەكێتیش مەترسییەكی گەورە لەسەر شوێنی پەلامارەكە ئاشكرادەكات و ڕایدەگەیەنێت: لەم مانگەدا حەوت كردەوەی تیرۆریستی ئەنجامدراون.

ئیدریس حاجی عادل، جێگری لێپرسراوی مەڵبەندی كەركوكی یەكێتی، بە SNNی ڕاگەیاند: بەگوێرەی دوا ئاماری پەلامارەكەی شەوی ڕابردووی تیرۆریستانی داعش بۆسەر گوندی زەینلعابدین-ی توركمان نشین، شەش كەس كوژران و 9 كەسی دیكەش برینداربوون، كە سەرجەمیان هاوڵاتی مەدەنین.

وتیشی:" سەرەڕای بوونی پۆلیسی فیدراڵی و حەشدی شەعبی لەسنوری قەزای داقوق، تیرۆریستانی داعش لەم مانگەدا حەوت كردەوەی تیرۆریستیان ئەنجامداوە".

بەرپرسەكەی یەكێتی هۆكاری زۆربوونی كردەوە تیرۆریستییەكانی داعشی لەسنووری قەزای داقوق ئاشكراكردو رایگەیاند:" جگە لە روباری ڕۆخانە، كە ڕوبارێكی فراوانەو بۆتە مۆڵگەی پاشماوەكانی داعش، 70 گوندی سوننە لەسنوری قەزاكە هەیە كە پێشتر هاوكاری داعش بوون، سەرجەم ئەو خاڵانەش هۆكاری سەرەكین بۆ زیادبوونی جموجۆڵەكانی تیرۆریستانن لەناوچەكە".


SNN:

ڕەنج تاڵیب

 3 هەفتە پێشتر - Aug 25 2019 7:54PM
Print Friendly and PDF

بابەتی زیاتر
زۆرترین بینراو
  • 24 کاتژمێر
  • هەفتە
  • مانگ
نرخە جیهانیەکان
بۆ بەئاگابوون لە دواین زانیاریەکان
   
Tel: (+53) 320 0475
© Copyright 2018 SNN. All Rights Reserved.