ئەمریكا بەبڕی 200 ملیۆن دۆلاری دیكە چەك بۆ ئۆكرانیا دەنێرێت

SNN

ئەنتۆنی بلێنكن وەزیری دەرەوەی ئەمریكا ڕایگەیاند، هاوكاریە نوێیەكانی وڵاتەکەم بۆ ئۆکرانیا بریتین لە تەقەمەنی بۆ بەرگری ئاسمانی، تۆپخانە، كەرەستەی دژە زرێپۆش و كەرەستەی زیادە بۆ پاڵپشتیكردنی هەوڵەكانی پاككردنەوەی مین، بەهای ئەم چەک و کەرەسەتە سەربازیانەش 200 ملیۆن دۆلارە.

پنتاگۆن لە مانگی ئایاری ڕابردودا ڕایگەیاندبوو، بە هەڵە زیاتر لەوەی ڕێگەی پێدرابو چەكی ئەمریكی بۆ كیێڤ تەرخانكردوە، كاتێك كارمەندان لەبری بەهای دابەزینی بەهاكە “بەهای جێگرەوە”یان بەكارهێناوە بۆ خشتەی تەقەمەنی و موشەك و كەرەستەی دیكە بە بەهای ملیارەها دۆلار بۆ ئۆكرانیا، ئەمەش نیگەرانی كیێڤی لێكەوتەوە.