شەپۆلێکی خۆڵبارین روو لە هەرێمی کوردستان دەکات

SNN

بەرێوەبەرایەتی کەشناسی عێراق پێنجشەممە 28ی ئایار، رایگەیاند :”شەپۆلێکی گەرما و خۆڵبارین و باران لە ناوچە جیاوازەکانی عێراق دەستپێدەکات لە چەند کاتژمێری داهاتوودا”.

کەشناسی ئاماژە بە کەشوهەوای ئەمڕۆ پێنجشەممە دەکات، لە زۆربەی ناوچەکانی عێراق هەورەو کەمێک خۆڵبارین دەبێت، لە هەمانکاتدا کەشناسی ئاماژە بە رۆژی هەینی دەکات، کە تێیدا گەردەلولی خۆڵبارین لە زۆربەی ناوچەکانی ناوەڕاست و باکوری عێراق دەستپێدەکات و تا ئێوارە بەردەوام دەبێت.

لەهەمان کاتدا رۆژانی شەممە دۆخی خۆڵبارین ئاسایی دەبێتەوە و پلەکانی گەرما بەتایبەتی لە هەرێمی کوردستان بەرەو دابەزین دەڕوات بەتایبەتی لە شەواندا کە دێتە خوارە 11 پلەی سەدی.