رێزلێنان بۆ بەرپرسی هێزەکانی 70 دەکرێت
SNN-
کەمێکی دیکە بە ئامادەبوونی بافڵ جەلال تاڵەبانی لە مەراسیمێکدا، مستەفا چاوڕەش ماڵئاوایی لە پۆستی فەرماندەی هێزەکانی حەفتا دەکات و خانەنشین دەبێت.
ئەمڕۆ چوارشەممە،29ی تشرینی دووەمی 2023، بە ئامادەبوونی بافڵ جەلال تاڵەبانی سەرۆکی یەکێتی نیشتمانی کوردستان و ژمارەیەک بەرپرسی دیکە، مستەفا چاوڕەش فەرماندەی هێزەکانی حەفتا لە مەراسیمێکی تایبەتدا خانەنشین دەبێت، بەڵام تاوەکو ئێستاش نازانرێت کێ شوێنی دەگرێتەوە.
مستەفا چاوڕەش، ناوی تەواوی مستەفا قادر مەحمودە و لە ساڵی 1946 لە سلێمانی لەدایکبووە و لە ساڵی 1962 دەستی بە کاری سیاسی کردووە و سێ جار وەک ئەندامی ئەنجومەنی سەرکردایەتی یەکێتی نیشتمانی کوردستان هەڵبژێردراوەتەوە و لە ماوەکانی رابردووشدا، چەند پۆستێکی حزبی و حکومی وەرگرتووە.
