دوای 25 کاتژمێر ئاگرەکەی ناوچەی جەباری کۆنتڕۆڵکرا

SNN- عیماد جەباری

ئەو ئاگرەی لەدوێنێوە بەشێک لەناوچەی جەباری گرتوەتەوە لەدوای 25 کاتژمێر لەلایەن تیمەکانی بەرگری شارستانی و هاووڵاتیانەوە کۆنتڕۆڵکرا.

سەرچاوەیەک لە بەرگری شارستانی تەکێی جەباری بە snnی راگەیاند: دوێنێ کاتژمێر 1ی نیوەڕۆ ئاگرێکی گەورە لەسنوری جەباری کەوتەوە و دوای هەوڵێکی زۆر کاتژمێر 2ی نیوەڕۆی ئەمڕۆ توانرا کۆنتڕۆڵبکرێت.

وتیشی، “ئاگرەکە گوندەکانی ( گۆلەمە، بانگۆل، قەشقە، وێڵە و وەستا خدر)ی گرتەوەو پەڕیوەتەوە بەرەو چنگی و چیای سەلباتۆی ناحیەی قادر کەرەم، بەهۆیەوە پانتایی زۆر پوش و پاوان سوتاوە”.

ئەوەشی خستەڕوو کە دوا نیوەڕۆی ئەمڕۆ لەکەل جافان نزیک ناحیەی تەکێی جەباری ئاگرێکی تر کەوتەوە بەڵام توانرا بەزوی کۆنتڕۆڵبکرێت بەهۆیەوە نزیکەی چوار دۆنم گەنم سوتاوە.